कन्हान ११ : – टेकाडी येथील जिल्हा परिषद प्राथमिक शाळेत जीवन मुंगले मित्र परिवार सेवा प्रतिष्ठान तर्फे विद्यार्थ्यांना (दि.८) ला रक्षाबंधन या पवित्र पर्वाच्या शुभ मुहूर्तावर शालेय साहित्याचे वितरण प्रतिष्ठानचे प्रवर्तक जीवन मुंगले यांचे शुभ हस्ते करण्यात आले.
शालेय साहित्य वाटप कार्यक्रमाच्या अध्यक्ष स्थानी भाजप नेते, रामटेक जिल्हा उपाध्यक्ष संजय भाऊ मुलमुले तर प्रमुख अतिथी प्रतिष्ठाणचे संस्थापक जीवन मुंगले, पत्रकार किशोर वासाडे, शाळेच्या शिक्षिका जयश्री चवरे, कन्हान मंडल भाजप अध्यक्ष बिरेंद सिंग, टेकाडी (को.ख.) सरपंच विनोद इनवाते, उपसरपंच जितेंद्र चव्हाण उपस्थित होते. याप्रसंगी पं स सदस्य नरेश मेश्राम, अविनाश कांबळे, सुरेंद्र बुधे, लाखेश्वर वासाडे, विलास हूड, कुणाल वासाडे, कन्हान नगरपरिषद माजी नगरसेवक राजेंद्र शेंद्रे, मनोज कुरड कर, नगरसेविका सुषमा चोपकर, अनिता पाटील, संगिता खोब्रागडे, शैलेश शेळके आणि सेवा प्रतिष्ठाण चे पदाधिकारी उपस्थित होते.
माणुस ज्या समाजात जन्माला येतो त्या समाजा प्रति त्यांचे कर्तव्य, एक सामाजिक बांधिलकी, जबाब दारीने सामाजिक ऋण फेडण्याच्या सार्थ उद्देशाने प्रेरित होऊन गरीब व गरजवंत विद्यार्थ्यांच्या शैक्षणिक प्रगतीसाठी व निरंतर शिक्षणाचा प्रवास सुरू राहण्या करिता सेवा प्रतिष्ठान तर्फे शैक्षणिक साहित्याची मदत करण्यात येत असल्याचे सेवा प्रतिष्ठाणचे संस्थापक अध्यक्ष व भाजप लोकसभा विस्तारक जीवन मुंगले हयांनी प्रास्तविकातुन मनोगत व्यक्त करतांना संबोधित केले. प्राथमिक विभागाच्या गरजु व गरीब विद्यार्थ्यांना शैक्षणिक साहित्या अंतर्गत कंपास स्कुल बॅग, बूट वाटप करण्यात आले. यावेळी विद्यार्थ्यांना शैक्षणिक मदतीचा हात पुढे केल्याबद्दल किशोर वासाडे यांनी प्रतिष्ठानचे धन्यवाद व्यक्त केले. कार्यक्रमाचे सुत्र संचालन नीलकंठ मस्के यांनी तर उपस्थितांचे आभार शिक्षिका जयश्री चवरे यांनी मानले. कार्यक्रमाच्या आयोजनासाठी विलास हुड, मंगेश काठोके, विशाल सातपैसे, विलास सावरकर आदीनी सहकार्य केले
