– १४ ऑक्टोबर धम्मचक्र प्रवर्तन दिनानिमित्त दीक्षाभूमीसह ड्रॅगन पॅलेस येथे जनसागराचे महातूफान
– नीलध्वजांचे शहर: ऐतिहासिक ड्रॅगन पॅलेस टेम्पल श्रद्धा आणि प्रेरणेचा महाकुंभ
कामठी :- १४ ऑक्टोबर १९५६ रोजी भारतरत्न डॉ. बाबासाहेब आंबेडकर यांनी नागपूरच्या पावन भूमीवर लाखो अनुयायांसोबत बौद्ध धर्माची दीक्षा घेऊन सामाजिक क्रांतीचे नवे पर्व सुरू केले होते. याच ऐतिहासिक दिनाचे औचित्य साधत नागपूर येथील दीक्षाभूमी वरून ड्रॅगन पॅलेस टेम्पल परिसर लाखो भीमानुयायांच्या अथांग जनसागराने ओसंडून वाहत आहे.
आकाशाला गवसणी घालणारे
निळे ध्वज: रेल्वे स्टेशन, बस स्थानक आणि इतर ठिकाणाहून येणाऱ्या प्रत्येक रस्त्यावर केवळ आणि केवळ निळे ध्वज, पंचशील पताका आणि बाबासाहेबांच्या जयघोषाचे चित्र पाहायला मिळत आहे.
पवित्र दीक्षाभूमी स्तूपाचे दर्शन घेऊन ड्रॅगन पॅलेस टेम्पल परिसरात देशाच्या कानाकोपऱ्यातून आलेल्या अनुयायांनी कित्येक किलोमीटर लांब रांगा लावल्या आहेत. लहान मुलांपासून ते वयोवृद्धांपर्यंत सर्वांच्या चेहऱ्यावर थकव्याऐवजी केवल कृतज्ञतेची ऊर्जा पाहायला मिळत आहे.
कामठीतील ड्रॅगन पॅलेस टेम्पल: शांती, करुणा आणि आकर्षणाचे केंद्र
दीक्षाभूमीसोबतच कामठी येथील आंतरराष्ट्रीय ख्यातीचे ड्रॅगन पॅलेस टेम्पल हे आज लाखो भाविकांच्या उपस्थितीने प्रकाशमय झाले आहे. जपानी वास्तुकलेचा अद्वितीय नमुना असलेले ही वास्तू सध्या आध्यात्मिक ऊर्जेचा केंद्रबिंदू ठरत आहे.
सुवर्ण बुद्ध प्रतिमेचे दर्शन: ड्रॅगन पॅलेसच्या भव्य हॉलमध्ये प्रतिष्ठापित भगवान बुद्धांच्या अखंड चंदनाच्या लाकडापासून कोरलेल्या सुवर्ण प्रतिमेसमोर अनुयायांनी नतमस्तक होऊन धम्मवंदना घेतली.
विपश्यना आणि शांतीचा अनुभव:
परिसरात उभारण्यात आलेल्या विपश्यना केंद्रात शेकडो उपासक-उपासिकांनी मौन पाळून ध्यानाचा सराव केला.
मनमोहक रोषणाई आणि उद्यान: संपूर्ण परिसर विद्युत रोषणाई आणि फुलांच्या सजावटीने उजळून निघाला असून, दीक्षाभूमीवर वंदन केल्यानंतर प्रत्येक अनुयायी ड्रॅगन पॅलेसच्या दर्शनासाठी आवर्जून गर्दी करत आहे.
पुस्तकांचे स्टॉल्स आणि वैचारिक प्रबोधनाची जत्रा
ड्रॅगन पॅलेस चे प्रमुख वैशिष्ट्य म्हणजे इथे केवळ धार्मिक विधी होत नाहीत, तर वैचारिक जागर घडवला जातो.
ग्रंथोत्सव: दीक्षाभूमी परिसरात शेकडो पुस्तकांचे स्टॉल्स थाटण्यात आले आहेत. बाबासाहेबांचे मूळ लेखन, भाषणे, संविधान, बुद्ध आणि त्यांचा धम्म या ग्रंथांची विक्रमी खरेदी सुरू आहे.
“शिकलेले हात, पुस्तकांची साथ” हा संदेश इथे प्रत्यक्षात अनुभवता येतो.
प्रबोधनात्मक शाहिरी आणि भीमगीते: रस्त्या-रस्त्यांवर कडाडणारे डफ आणि शाहिरांच्या बुलंद आवाजातील भीमगीतांनी तरुणांमध्ये अभूतपूर्व ऊर्जा भरली आहे.
सेवाभाव आणि कडेकोट प्रशासन व्यवस्था
वातावरण पूर्णतः बुद्धमय आणि भीमय झाले असून, समता, बंधुता आणि स्वातंत्र्याची मूल्ये जपणारा हा जनसागर मानवतेचा सर्वात मोठा उत्सव साजरा करत आहे.
