नागपूर २६ : जिल्ह्यातील रामटेक तहसील अंतर्गत असलेल्या कवी कुलगुरू कालिदास संस्कृत विद्यापीठाचे कुलगुरू डॉ. हरेराम त्रिपाठी आणि त्यांच्या पत्नी बदामी त्रिपाठी यांचे रस्ते अपघातात निधन झाले. या अपघातात गंभीर जखमी झालेले कार चालक वैभव मिश्रा यांचेही सोमवारी उपचारादरम्यान निधन झाले. कुलगुरू डॉ. हरेराम त्रिपाठी हे त्यांच्या पत्नी बदामी त्रिपाठी आणि कार चालक वैभव मिश्रा यांच्यासह मऊ-कुशीनगर महामार्गावरून त्यांच्या मूळ गावी देवरियाला जात होते. २३ ऑगस्ट रोजी सकाळी ६ वाजता त्याच महामार्गावर त्यांची काळी इनोव्हा कार पार्क केलेल्या ट्रकला धडकली आणि अपघात झाला. या अपघातात पती-पत्नी दोघांचाही मृत्यू झाला. तर इनोव्हा कार चालक वैभव मिश्रा या अपघातात गंभीर जखमी झाला. दुसरीकडे, आज सोमवारी चालक वैभव मिश्रा यांचा उपचारादरम्यान मृत्यू झाला. इनोव्हा कार कुलगुरू हरेराम त्रिपाठी स्वतः चालवत असल्याची माहिती आहे. हा अपघात उत्तर प्रदेशातील दोहरीघाट पोलिस स्टेशन परिसरात घडला.
