किशोर साहू, मौदा :- दरवर्षीप्रमाणे यंदाही अडेगाव (पटाचा) येथे हनुमान देवस्थान पंचकमिटी व ग्रामवासी तर्फे वसंत पंचमी निमित्त धार्मिक व सामाजिक उपक्रमाचे आयोजन करण्यात आले आहे. शुक्रवार (दि. 23 जानेवारी)पासून अखंड हरिनाम सप्ताहाला सुरुवात करण्यात येत असून, दीप प्रज्वलित करण्यात येणार आहे.
शनिवार (दि 24 जानेवारी)ला गोंदिया जिल्ह्यातील चांदनी टोला येथील कीर्तनकार ह भ प विमल खोब्रागडे व सोबतीला ह भ प पांडुरंग शेंडे महाराज यांच्या हस्ते गोपालकाला व लगेच सामूहिक विवाह सोहळा व त्यानंतर महाप्रसादाच्या कार्यक्रमाला सुरुवात होत आहे या पवित्र ,भक्तिमय व समाज प्रबोधनात्मक कार्यक्रमात उपस्थित राहण्याचे आवाहन हनुमान देवस्थान पंच कमिटी व समस्त ग्रामवासी यांनी केले आहे.