खापा :- खापा पोलिस ठाण्याअंतर्गत येणाऱ्या खर्डुका गावातून बेपत्ता झालेल्या तरुणाचा मृतदेह कन्हान नदीत सापडला. सोमवार, ५ जानेवारी रोजी सकाळी १० वाजता ही घटना उघडकीस आली. मृतक हरीश कुमार दशरथ खेकडे (३५) हा खर्डुका येथील रहिवासी आहे. पोलिसांनी अपघाती मृत्यूची नोंद केली आहे.
पोलिस सूत्रांनी दिलेल्या माहितीनुसार, हरीश ३१ डिसेंबरपासून बेपत्ता होता. कुटुंबातील सदस्य त्याचा शोध घेत होते. सोमवारी सकाळी ग्रामस्थांना कन्हान नदीत हरीशचा मृतदेह तरंगताना दिसला. घटनेची माहिती पोलिस ठाण्यात देण्यात आली. एएसआय विनोद पाटील आणि त्यांचे सहकारी घटनास्थळी पोहोचले. ग्रामस्थांच्या मदतीने मृतदेह नदीतून बाहेर काढण्यात आला. मृतकाचे वडील दशरथ यांनी मृताची ओळख पटवली. घटनास्थळी पंचनामा तयार केल्यानंतर, मृतदेह सामाजिक कार्यकर्ते हितेश बनसोड यांच्या रुग्णवाहिकेतून सावनेर येथे शवविच्छेदनासाठी पाठवण्यात आला. संध्याकाळी मृतदेह कुटुंबीयांच्या ताब्यात देण्यात आला. खापा पोलीस स्टेशनचे ठाणेदार किशोर भुजाडे यांच्या मार्गदर्शनाखाली एएसआय विनोद पाटील आणि कॉन्स्टेबल पंकज ठाकूर पुढील तपास करीत आहे.
