नागपूर :- गजानन हायस्कूलजवळ, उदय नगर रोड, नागपूर येथे आपला माणूस फाउंडेशन तर्फे छत्रपती शिवाजी महाराज जयंती महोत्सव सोहळा २०२६ चे भव्य-दिव्य आयोजन करण्यात आले होते. हा सोहळा देवेंद्र फडणवीस (मुख्यमंत्री, महाराष्ट्र राज्य) तसेच संदीप जोशी (आमदार, विधान परिषद, महाराष्ट्र) यांच्या मार्गदर्शनाखाली संपन्न झाला.
कार्यक्रमात चित्रकला स्पर्धा व क्रिकेट स्पर्धेचा पारितोषिक वितरण सोहळा उत्साहात पार पडला. या सोहळ्यास सुप्रसिद्ध शिवव्याख्याते सुदर्शन दादा शिंदे तसेच प्रसिद्ध अभिनेत्री सई ताम्हणकर यांची उपस्थिती लाभली.यावेळी राहुल नंदनवार व त्यांच्या टीमने “शिवगौरव गाथा” या प्रभावी नाट्यप्रयोगाचे सादरीकरण करून उपस्थितांची मनं जिंकली. तसेच उपस्थित मान्यवरांचा सत्कारही करण्यात आला. कार्यक्रमाचे संचालन अंकिता मोरे यांनी आपल्या दमदार व प्रभावी आवाजात केले. कार्यक्रम यशस्वीरीत्या पार पडण्यासाठी सहकार्य करणाऱ्या सर्वांचे आभार मानण्यात आले. या सोहळ्याचे आयोजक डॉ.अॅड. गगन रहांगडाले यांनी सर्व पदाधिकारी, सदस्य तसेच उपस्थित नागरिकांचे मनःपूर्वक आभार मानले.
