नागपूर :- महाराष्ट्र शासनाच्या 30 डिसेंबर 1999 च्या शासन निर्णयाप्रमाणे जनतेच्या तक्रारींचे निराकरण करण्याच्या दृष्टीने महिन्याच्या पहिला सोमवार ‘लोकशाही दिन’ म्हणून आयोजित करण्यात येतो. त्यानुसार सोमवार 3 नोव्हेंबर रोजी सकाळी 10 वाजता मनपा मुख्यालयातील डॉ. पंजाबराव देशमुख स्मृती स्थायी समिती सभागृहात ‘लोकशाही दिन’ चे आयोजित करण्यात आला आहे.
विशेष म्हणजे, विभागीय आयुक्त कार्यालयात आयोजित विभागीय लोकशाही दिनात प्राप्त तक्रारींचे मनपात होणाऱ्या लोकशाही दिनात निकाली काढल्या जातील. नागरीकांच्या तक्रारी असल्यास त्यांनी ‘लोकशाही दिन’ कार्यक्रमात तक्रारीसह उपस्थित रहावे. तसेच लोकशाही दिनाला सर्व कक्ष प्रमुख व दहाही झोनच्या सर्व सहायक आयुक्तांनी माहितीसह उपस्थित राहावे, असे निर्देश नागपूर महानगरपालिका आयुक्त तथा प्रशासक डॉ. अभिजीत चौधरी यांनी दिले आहेत.