नागपूर :- महाराष्ट्र राज्य सांस्कृतिक धोरण २०१० अंतर्गत उच्च व तंत्र शिक्षण विभाग, ग्रंथालय संचालनालय, मुंबई, जिल्हा ग्रंथालय अधिकारी कार्यालय, नागपूर व वसंतराव नाईक शासकीय कला व समाज विज्ञान संस्था नागपूर यांच्या संयुक्त विद्यमाने शुक्रवार ६ व शनिवार ७ मार्च २०२६ रोजी वसंतराव नाईक शासकीय कला व समाज विज्ञान संस्था येथे ‘नागपूर ग्रंथोत्सव-२०२५’आयोजित करण्यात आला आहे.
ग्रंथोत्सवाचे उद्घाटन महसूल तथा पालकमंत्री चंद्रशेखर बावनकुळे यांच्या हस्ते होणार असून वित्त व नियोजन राज्यमंत्री ॲड. आशिष जयस्वाल यांच्यासह लोकप्रतिनिधी उपस्थित राहणार आहेत. विभागीय आयुक्त विजयलक्ष्मी बिदरी, जिल्हाधिकारी डॉ. विपीन इटनकर, नागपूर-अमरावती विभागाचे माहिती संचालक डॉ. गणेश मुळे प्रमुख अतिथी म्हणून उपस्थित राहणार आहे.
ग्रंथोत्सवामध्ये पहिल्या दिवशी शुक्रवार ६ मार्च २०२६ रोजी सकाळी ८ ते १० वाजता ग्रंथपुजन व ग्रंथदिंडी ही सेवा सदन शिक्षण संस्था प्रांगण झांशी राणी चौक पासून व्हेरायटी चौक, झिरो माईल, संविधान चौक ते वसंतराव नाईक शासकीय कला व समाज विज्ञान संस्था पर्यंत निघणार आहे. सकाळी ११ ते १ वाजेपर्यंत उदघाटन कार्यक्रम, नंतर दुपारी ३ ते ५.३० वाजता दिपलक्ष्मी भट या ‘लोकमाता अहिल्याबाई होळकर’ एकपात्री नाटय प्रयोग सादर करणार आहेत.
दुसऱ्या दिवशी शनिवार ७ मार्च २०२६ रोजी सकाळी ११ ते १ वाजता ‘ए आय’ काळातील वाचन संस्कृतीचे वर्तमान या विषयावर परिसंवाद होणार आहे. साहित्यिक, प्रसेन्नजित गायकवाड, डॉ. अरुंधती वैद्य, शफी पठाण आणि विजय सावंत हे परिसंवादात विचार मांडतील. दुपारी २ ते ४ वाजता प्रा. डॉ. देवा बोरकर (गोंदिया) हे ‘मी आंबेडकर बोलतोय’ एकपात्री नाटय प्रयोग सादर करतील. नंतर समारोपाचा कार्यक्रम होणार असल्याचे प्र. जिल्हा ग्रंथालय अधिकारी मिनाक्षी कांबळे यांनी कळविले आहे.
