किशोर साहू, मौदा :- दरवर्षीप्रमाणे यंदाही अरोली आज गुरुवार (ता. 10 सप्टेंबर)ला येथे बैलपोळा उत्साहात व शांततेत साजरा करण्यात आला. बैल जोड्या व बैलपोळ्याच्या कार्यक्रम पाहण्यासाठी गावकऱ्यांनी मोठी गर्दी केली होती. बैलपोळा भरणाऱ्या परिसरातील इमारतीच्या छतावरही मोठ्या प्रमाणात महिला, पुरुष बालगोपालांची गर्दी दिसत होती.
याप्रसंगी शिवसेना तालुकाप्रमुख प्रशांत भुरे, ग्रामपंचायत अरोली सरपंच रोशनी प्रशांत भुरे, उपसरपंच सुनील आडगुलकर सह समस्त ग्रामपंचायत सदस्य गण, तंटामुक्त समिती अध्यक्ष कैलास समरीत, अरोली पोलीस स्टेशनचे ठाणेदार सागर गोमासे, गावातील प्रतिष्ठित नागरिक समय ग्रामस्थ मोठ्या संख्येने उपस्थित होते.
बैलपोळा फुटल्यानंतर शेतकऱ्यांच्या बैलजोड्यांची ग्रामस्थ पूजा अर्चना करून बैलपोळ्याच्या शुभेच्छा देत होते.