मोफत आरोग्य तपासणीचे आयोजन
भारत पेट्रोलियम आणि महालक्ष्मी ऑटो सर्व्हिसेस (बीपीसीएल पेट्रोल पंप) द्वारे आयोजन
नागपूर १५ : कापसी येथील माँ उमिया ट्रान्सपोर्ट सिटीमध्ये स्वच्छता पंधरवाडा आयोजित करण्यात आला होता ज्याअंतर्गत १४ जुलै रोजी ट्रान्सपोर्ट संबंधित सर्व लोकांची आरोग्य तपासणी देखील करण्यात आली. या कार्यक्रमात चालक, सफाई कामगार आणि सर्वजण मोठ्या संख्येने सहभागी झाले होते. स्वच्छ आणि हरित स्वच्छ भारत सुंदर भारत संकल्पने अंतर्गत, पूर्व नागपूरच्या कापसी परिसरामधील माँ उमिया ट्रान्सपोर्ट सिटीमध्ये स्वच्छता पंधारवाडा आयोजित करण्यात आला होता. भारत पेट्रोलियम आणि महालक्ष्मी ऑटो सर्व्हिसेस (बीपीसीएल पेट्रोल पंप) आयोजित केलेल्या या पंधरवड्या अंतर्गत, १४ जुलै रोजी ट्रान्सपोर्टशी संबंधित सर्व लोकांसाठी आरोग्य तपासणीचे आयोजन करण्यात आले होते. या कार्यक्रमासोबतच एक रॅलीही आयोजित करण्यात आली होती. ज्यामध्ये वाहतूकदार, चालक आणि परिसरातील इतर लोक सहभागी झाले होते आणि परिसराच्या स्वच्छतेचे महत्त्व यावेळी समजावून सांगण्यात आले. या दरम्यान, आरोग्य तपासणी देखील आयोजित करण्यात आली होती ज्यामध्ये ट्रक चालक, क्लीनर आणि परिसरामध्ये काम करणाऱ्या लोकांनी त्याचा लाभ घेतला. या आरोग्य तपासणीमध्ये बीपी, शुगर तपासणी, डोळ्यांची तपासणी देखील करण्यात आली. यासोबतच मोफत चष्मेही वाटण्यात आले. चालकांना स्वच्छतेचे महत्त्व समजावून सांगण्यासाठी चित्रकला स्पर्धाही आयोजित करण्यात आली होती. या दरम्यान, चर्चात्मक कार्यक्रमाचे आयोजन करण्यात आले होते. या चर्चात्मक कार्यक्रमात परिसराच्या सरपंच तुळसाबाई शेंद्रे, माजी सरपंच शामरावजी अडोले, नागपूर ट्रेलर ओनर्स युनियनचे सुधीर कापसे, नागोरावजी वाघ, शेषमणी मिश्रा, पीएसआय दादाराव कारेमोरे, बीपीसीएल अधिकारी अनिल मोरे उपस्थित होते. चर्चेत मान्यवरांनी परिसराच्या स्वच्छतेकडे आणि मानसाची शारीरिक सुरक्षा किती महत्त्वाची आहे याकडेही लक्ष वेधले. वाहतूक व्यवसायात गुंतलेल्या लोकांची दैनंदिन दिनचर्या नेहमीच शारीरिक तंदुरुस्तीच्या विरुद्ध असते ज्यामुळे ते त्यांच्या शरीराची काळजी घेऊ शकत नाहीत. या कार्यक्रमात चालकांना शारीरिक तंदुरुस्तीसाठी विशेष मार्गदर्शन करण्यात आले. हा कार्यक्रम यशस्वी करण्यासाठी भूपेंद्र देवांगन स्मार्ट फ्लीट ऑफिसर बीपीसीएल, गणेश भोयर बीपीसीएल, कोमल वासनिक बीपीसीएल, दीपेश पटेल संचालक महालक्ष्मी पेट्रोल पंप, दीपक पटेल संचालक महालक्ष्मी पेट्रोल पंप, अपोलो टायर हेल्थ केअर सेंटरच्या कर्मचाऱ्यांनी सक्रिय सहकार्य केले.