किशोर साहू, मौदा :- शिवबा राजे फाउंडेशन महाराष्ट्र राज्य तर्फे साप्ताहिक शिवजयंती कार्यक्रम नुकतेच राबिण्यात आले. या शिवजयंती मध्ये अनेक कार्यक्रम आयोजित करण्यात आले होते , त्यामध्ये किल्ले बनविणे, वेशभूषा, चित्रकला स्पर्धा , गायन स्पर्धा , वक्तृत स्पर्धा तसेच सांस्कृतिक कार्यक्रम असे अनेक कार्यक्रम पार पाडले.
या मध्ये विशेष करून ग्रा प येसंबा येथील अगंनवाडी लाभार्थी , प्राथमिक शाळा येथील विद्यार्थी तसेच महिला वर्ग यांनी प्रामुख्याने सांस्कृतिक कार्यक्रम मध्ये सहभाग नोंदविला होता , तर काही मुलं ,मुलींनी वेशभूषा स्पर्धा मध्ये सहभाग घेतला होता.
त्यानिमित्त त्यांना उपसरपंच धनराज हारोडे यांच्या हस्ते शिवबा राजे फाउंडेशन कडून मिळालेले सन्मान पत्र वितरित करण्यात आले व त्यांच्या कला , कौशल्य यांचे गुनगानही करण्यात आले.
याप्रसंगी अंगणवाडी सेविका माया चकोले, मदतनीस कांता गजभिये, प्रतिश चकोले, अश्विनी चकोले, निधी मेश्राम सह मान्यवर उपस्थित होते.
