गोंदिया ३ : गोंदिया जिल्ह्यात स्थानिक स्वराज्य संस्थांच्या निवडणुकांसाठी करण्यात आलेल्या नव्या प्रभाग रचनेवर तब्बल तेहतीस आक्षेप नोंदवले गेले आहेत. या आक्षेपांची सुनावणी एक ते आठ सप्टेंबरदरम्यान जिलाधिकारी कार्यालयात सुरू झाली आहे.
नवीन प्रभाग रचनेचा प्रारूप अठरा ऑगस्ट रोजी जाहीर करण्यात आला होता. आक्षेप व सूचना नोंदविण्याची अंतिम तारीख एकतीस ऑगस्ट निश्चित करण्यात आली होती. या कालावधीत नगरपरिषद कार्यालयात एकूण तेहतीस आक्षेप दाखल झाले.
मागील तीन ते चार वर्षांपासून विविध कारणांमुळे स्थानिक स्वराज्य संस्थांमध्ये प्रशासकांचा कारभार सुरू आहे. ओबीसी आरक्षणासंदर्भात सर्वोच्च न्यायालयाने दिलेल्या निर्णयानंतर नगरपरिषद व नगरपंचायतींमध्ये निवडणुकीचा मार्ग आता मोकळा झाला आहे. राज्य निवडणूक आयोगाने न्यायालयाच्या आदेशानुसार निवडणुकीची प्रक्रिया सुरू केली असून त्यातील पहिला टप्पा म्हणजे प्रभाग रचना होय.
या नव्या रचनेमुळे काही नागरिकांना दिलासा मिळाला आहे, तर काही इच्छुक उमेदवार मात्र संभ्रमात सापडले आहेत. सध्या नोंदवलेल्या आक्षेपांवर जिलाधिकारी कार्यालयात सुनावणी सुरू असून, आक्षेपकर्त्यांना आपली बाजू मांडण्याची संधी दिली जात आहे. या सुनावणीनंतरच अंतिम प्रभाग रचना निश्चित होणार असून त्यावरच निवडणूक प्रक्रिया पुढे जाणार आहे.
पंचवीस ऑगस्ट रोजी जाहीर करण्यात आलेल्या नगरपरिषद प्रभाग रचनेनुसार, शहरातील बावीस प्रभागांतून चव्वेचाळीस सदस्यांची निवड केली जाणार आहे. शहराची एकूण लोकसंख्या एक लाख बत्तीस हजार आठशे तेरा असून त्यात अनुसूचित जातीचे सहा वीस हजार चार आणि अनुसूचित जमातीचे चार हजार तीनशे छेचाळीस नागरिक आहेत.