नागपूर, ता. ३० : नागपूर महानगरपालिकेच्या उपद्रव शोध पथकाद्वारे सार्वजनिक ठिकाणी लघुशंका करणाऱ्यांवर, कचरा फेकणाऱ्यांवर, थुंकणाऱ्यांवर, 79 मायक्रॉन पेक्षा कमी प्लास्टिक पिशवीचा वापर करणाऱ्यांवर अधिक कठोर कारवाई केली जात आहे. गुरुवार (ता.२४) रोजी शोध पथकाने 51 प्रकरणांची नोंद करून 51,100/- रुपयाचा दंड वसूल केला. हाथगाडया, स्टॉल्स, पानठेले, फेरीवाले, छोटे भाजी विक्रेते यांनी लगतच्या परिसरात अस्वच्छता (रु. 400/- दंड) या अंतर्गत 20 प्रकरणांची नोंद करून 8,000/- रुपयांची वसुली करण्यात आली. व्यक्तीने रस्ता, फुटपाथ, मोकळी जागा अशा ठिकाणी कचरा टाकणे (रु. १००/- दंड) या अंतर्गत 01 प्रकरणांची नोंद करून 100/- रुपयांची वसुली करण्यात आली. दुकानदाराने रस्ता, फुटपाथ,मोकळी जागा अशा ठिकाणी कचरा टाकणे (रू.400/-दंड) या अंतर्गत 03 प्रकरणांची नोंद करून 1,200/- रूपयांची वसुली करण्यात आली. वाहतूकीचा रस्ता मंडप, कमान, स्टेज इत्यादी रचना करुन अथवा वैयक्तिक कामाकरीता बंद करणे या अंतर्गत 16 प्रकरणांची नोंद करून 17,000/- रुपयांची वसुली करण्यात आली. सार्वजनिक रस्ता,फुटपाथ,मोकळी जागा अशा ठिकाणी जनावरे धुवून बांधणे या अंतर्गत 03 प्रकरणाची नोंद करून रू.3,000/- चे दंड वसुल करण्यात आले.उपरोक्त यादीत न आढळणारे इतर उपद्रव व्यक्ती असल्यास 19 प्रकरणांची नोंद करून 3,800/- दंड वसूल करण्यात आलेला आहे. उपरोक्त यादीत न आढळणारे इतर उपद्रव संस्था असल्यास 08 प्रकरणांची नोंद करून रु.8,000/- चे दंड वसूल करण्यात आलेला आहे.हरित लवाद यांनी दिलेल्या आदेशाप्रमाणे व निर्देशाप्रमाणे अंतर्गत विवाह सभागृह इत्यादी ठिकाणी 01 प्रकरणाची नोंद करून रू.10,000/- दंड वसुल करण्यात आले.ही कारवाई उपद्रव शोध पथक प्रमुख वीरसेन तांबे यांच्या नेतृत्वात करण्यात आली.
तसेच उपद्रव शोध पथकाने लक्ष्मीनगर झोन अंतर्गत मे.स्वराजम् एस अँड एम हॉस्पीटल यांनी दवाखान्याच्या आवारात कचरा पसरविल्याबद्दल रू.10,000/- दंड वसुल करण्यात आले. धरमपेठ झोन अंतर्गत शम्मी खान यांनी रस्त्यालगत फुटपाथवर जुने टायर पसरविल्यामुळे रू.5,000/- चे दंड वसुल करण्यात आले. हनुमान नगर झोन अंतर्गत मे. रामेश्वरम सेलिब्रेशन हॉल यांनी रस्त्यालगत लॉनचा कचरा पसविल्यामुळे रू.5,000/- चे दंड वसुल करण्यात आले. धंतोली झोन अंतर्गत मे. सिंधु असोसिएट्स यांनी बांधकामाचे साहित्य टाकल्यामुळे रू.10,000/- रूपयांची वसुली करण्यात आली. गांधीबाग झोन अंतर्गत मे.तेलरांधे किराणा शॉप यांनी प्रतिबंधात्मक प्लास्टिक पिशवीचा वापर केल्याबद्दल रु. 5,000/- चे दंड वसुल करण्यात आले. सतरंजीपुरा झोन अंतर्गत मे. कृष्णा स्वीट्स यांनी प्रतिबंधात्मक प्लास्टिक पिशवीचा वापर केल्याबद्दल रु. 5,000/- चे दंड वसुल करण्यात आले. लकडगंज झोन अंतर्गत मे.नरेश डेअरी यांनी चेंबरमध्ये अन्न टाकून ब्लॉक केल्यामुळे रू. 10,000/- चे दंड वसुल करण्यात आले. उपद्रव शोध पथकाने 07 प्रकरणांची नोंद करून रू. 50,000/- दंड वसूल केला.