नवी दिल्ली २६ : भारताच्या अडचणींमध्ये मोठी वाढ झाल्याचे बघायला मिळत असून अमेरिकेचे माजी राष्ट्राध्यक्ष व सध्याचे प्रशासनप्रमुख डोनाल्ड ट्रम्प यांनी भारताला मोठा झटका दिला आहे. भारत-अमेरिका व्यापार तणाव सोडवण्यासाठी चर्चा सुरू होती, पण कोणताही तोडगा निघू शकला नाही. अखेर अमेरिकेने भारतावर तब्बल 50 टक्के टॅरिफ लावण्याचा निर्णय घेतला असून, याबाबतची अधिसूचना अधिकृतरित्या जारी करण्यात आली आहे. हा निर्णय 27 ऑगस्ट 2025 रोजी दुपारी 12:01 वाजता लागू होणार आहे. सुरुवातीला भारताने चर्चा सुरू असल्याचे सांगितले होते आणि मार्ग निघेल अशी आशा व्यक्त केली होती, मात्र आता अमेरिकेच्या या पावलामुळे भारताच्या अर्थव्यवस्थेला मोठा धक्का बसणार आहे. ट्रम्प प्रशासनाचे म्हणणे आहे की भारत रशियाकडून मोठ्या प्रमाणात तेल खरेदी करून अप्रत्यक्षरित्या युक्रेनविरोधातील युद्धाला आर्थिक मदत करत आहे. आश्चर्याची गोष्ट म्हणजे रशियाकडून सर्वाधिक तेल खरेदी करणाऱ्या चीनवर कोणत्याही प्रकारचा टॅरिफ लावण्यात आलेला नाही, तर भारत आणि ब्राझीलवरच टॅरिफ लागू करण्यात आला आहे. भारत सध्या 87 अब्ज डॉलर्सची निर्यात अमेरिकेत करतो, त्यामुळे या टॅरिफचा थेट परिणाम भारतीय कंपन्यांच्या नफ्यावर होणार आहे. भारताने अमेरिकेच्या या निर्णयावर तीव्र टीका करत प्रत्युत्तर दिले आहे. ट्रम्प प्रशासनाने भारताला आणखी धमकी दिली आहे की, जर भारताने रशियाकडून तेल खरेदी थांबवली नाही, तर आणखी टॅरिफ लावले जाऊ शकते. परंतु भारताने स्पष्ट केले आहे की स्वस्त तेल जिथून मिळेल, तिथून खरेदी सुरूच राहील. उलट, अमेरिकेच्या धमकीनंतर भारताने रशियासोबत अधिक तेल खरेदीचे करार केले आहेत. भारत सरकारचे म्हणणे आहे की, “आमच्या वस्तू खरेदी करायच्या नसतील, तर नका खरेदी करू, पण आम्ही आमच्या कंपन्यांना मर्यादा घालणार नाही.” या घडामोडींमुळे भारत-अमेरिका व्यापारयुद्धाचा धोका निर्माण झाला असून, भारत अमेरिकन कंपन्यांवर कारवाई करू शकतो, असे संकेत दिले आहेत. गुगल, अॅमेझॉन, मेटा, मायक्रोसॉफ्टसारख्या कंपन्यांची भारतीय बाजारपेठेत मोठी कमाई आहे आणि त्यांच्या नफ्यावर याचा मोठा परिणाम होऊ शकतो. त्यामुळे आगामी काही दिवसांत या संघर्षात आणखी मोठ्या घडामोडी घडण्याची शक्यता आहे.
डोनाल्ड ट्रम्प यांची भारताला पुन्हा चेतावणी; ५०% टॅरिफ लागू, तणाव वाढला
भारत-अमेरिका तणाव आणखी वाढला आहे. अमेरिकेचे माजी राष्ट्राध्यक्ष डोनाल्ड ट्रम्प यांनी भारतावर ५०% टॅरिफ लावण्याचा निर्णय घेतला असून अधिसूचना जारी करण्यात आली आहे. ट्रम्प यांनी पत्रकार परिषदेत दावा केला की, त्यांनी भारत-पाकिस्तानमधील संभाव्य परमाणु युद्ध टॅरिफच्या माध्यमातून रोखले. तसेच, भारत रशियाकडून स्वस्तात तेल खरेदी करून युक्रेन युद्धाला अप्रत्यक्ष मदत करत असल्याचा आरोपही त्यांनी केला. भारताने मात्र अमेरिकेच्या दबावाला न जुमानता रशियाकडून तेल खरेदी सुरूच ठेवली आहे.