नागपूर २९ : अंडरवर्ल्ड डॉन व शिवसेना नगरसेवक कमलाकर जामसांडेकर यांच्या खूनप्रकरणी जन्मठेपेची शिक्षा भोगत असलेला अरुण गवळी याला सर्वोच्च न्यायालयाने जामीन मंजूर केला आहे. न्यायमूर्ती एम. एम. सुंदरेश आणि न्यायमूर्ती एन. कोटिस्वर सिंह यांच्या खंडपीठाने गवळीची प्रलंबित याचिका तसेच त्याचे वय 76 वर्षे असल्याचा विचार करून ही सवलत दिली. गवळी गेली 18 वर्षे नागपूर सेंट्रल जेलमध्ये शिक्षा भोगत आहे. या निर्णयामुळे तो तात्पुरता तुरुंगातून सुटू शकणार असून, प्रकरणाची अंतिम सुनावणी फेब्रुवारी 2026 मध्ये होणार आहे.
गौरतलब म्हणजे, 2006 मध्ये शिवसेना नगरसेवक कमलाकर जामसांडेकर यांच्या खुनाच्या आरोपाखाली गवळीला अटक करण्यात आली होती. ऑगस्ट 2012 मध्ये मुंबई सेशन कोर्टाने त्याला जन्मठेप आणि 17 लाख रुपयांचा दंड ठोठावला. त्यानंतर गवळीने मुंबई उच्च न्यायालयात अपील केली होती, मात्र 9 डिसेंबर 2019 रोजी उच्च न्यायालयाने सेशन कोर्टाचा निर्णय कायम ठेवला.
दीर्घकाळ तुरुंगात राहणे आणि वाढते वय लक्षात घेऊन गवळीने सर्वोच्च न्यायालयात जामिनासाठी याचिका दाखल केली होती. आज, गुरुवारी सर्वोच्च न्यायालयाने त्याची याचिका मान्य करून जामीन मंजूर केला. न्यायालयाने म्हटले की, गवळी मागील 18 वर्षांपासून नागपूर सेंट्रल जेलमध्ये शिक्षा भोगत आहे. हा जामीन ट्रायल कोर्टाने ठरवलेल्या अटींवर आधारित असेल आणि प्रकरणाची अंतिम सुनावणी फेब्रुवारी 2026 मध्ये होणार आहे.
@filephoto