२५ जुलै २०२५ रोजी ताजबाग येथे होणार भव्य आयोजन
डोममध्ये हजारो भक्तांसाठी बसण्याची सोय
नागपूर २५ – शहनशाहे हफ्त अकलीम हजरत बाबा सय्यद मोहम्मद ताजुद्दीन रहमतुल्लाह अलैह यांच्या १०३ व्या वार्षिक उरुसानिमित्त देशभरातून भाविक मोठ्या संख्येने नागपूरला येत आहेत. हजरत बाबा ताजुद्दीन ट्रस्टतर्फे हा उर्स साजरा केला जात आहे. दररोज धार्मिक कार्यक्रमांचे आयोजन केले जात आहे. २५ जुलै रोजी ऑल इंडिया मुशायऱ्याचे भव्य आयोजन करण्यात आले आहे. रात्री ९ वाजता दरग्याजवळील भव्य डोममध्ये हा मुशायरा पार पडणार आहे. या मुशायऱ्याचे मुख्य आकर्षण असतील देशाचे प्रसिद्ध शायर इमरान प्रतापगढी. ते त्यांच्या शायरीने रंग जमवतील. या भव्य कार्यक्रमाच्या तयारीसाठी हजरत बाबा ताजुद्दीन ट्रस्टचे चेअरमन प्यारे जिया खान, सचिव ताज अहमद राजा, उपाध्यक्ष डॉ. सुरेंद्र जिचकार, ट्रस्टी फारूकभाई बावला, गजेंद्रपालसिंह लोहिया, मुस्तफाभाई टोपीवाला, हाजी इमरान खान ताजी यांच्या मार्गदर्शनाखाली तयारी करण्यात आली आहे. सर्व आवश्यक सुविधा पुरवण्यात आल्या आहेत. या मुशायऱ्याच्या आयोजनासाठी ट्रस्टने एक विशेष सेवेकरी (खिदमतगार) टीम तयार केली आहे, ज्यामध्ये अनेक स्थानिक शायरही सहभागी होणार आहेत. दरग्याच्या समोर उभारण्यात आलेल्या भव्य डोममध्ये भक्तांसाठी बसण्याची पुरेशी सोय करण्यात आली आहे.
मुशायऱ्याच्या आयोजनाआधी दरग्याच्या आवारात मिलाद शरीफचे आयोजन केले जाईल. या ऑल इंडिया मुशायऱ्यात इमरान प्रतापगढी यांच्यासह देशातील अन्य प्रसिद्ध शायरही सहभागी होणार आहेत–मशहर आफरीदी (मुंबई), हमीद भुसावल, आरिफ सैफई (हैदराबाद), बिलाल सहारनपुरी, जुनैद अख्तर (दिल्ली), शाइस्ता सना (बरेली) हे आपली कविता सादर करतील.
सकाळी ९ वाजता बडा कुल शरीफची फातेहा होणार
हजरत बाबा सय्यद मोहम्मद ताजुद्दीन रहमतुल्लाह अलैह यांच्या वार्षिक उरुसानिमित्त २५ जुलै रोजी सकाळी ९ वाजता दरग्यात बडा कुल शरीफची फातेहा होणार आहे. ट्रस्टच्या पदाधिकाऱ्यांनी सर्व श्रद्धाळूंना फातेहामध्ये सहभागी होण्याचे आवाहन केले आहे.
नातिया मुशायऱ्यात शायरांनी सूफी संतांची महिमा उलगडली
उरुसानिमित्त मंगळवारी रात्री नातिया मनकबत मुशायऱ्याचे आयोजन करण्यात आले. देशभरातून आलेल्या शायरांनी आपल्या खास शैलीत नातिया शायरी सादर करताना पैगंबर मोहम्मद सल्लल्लाहु अलैहि वसल्लम यांच्याबरोबरच बाबा ताजुद्दीन रहमतुल्लाह अलैह आणि इतर सर्व सूफी संतांचे गुणगान केले. या मुशायऱ्यात मिसम गोपालपुरी (बिहार), खुर्शीद हैदर (मुजफ्फरनगर), अल्ताफ जिया (मालेगाव), शजर माखनपुरी (उत्तर प्रदेश), डॉ. समीर कबीर (नागपूर) यांनी आपल्या नातिया कलामांचे सादरीकरण केले. हजारो भक्तांनी या मुशायऱ्याला उपस्थिती लावली. मंचाचे संचालन गयासुद्दीन अशरफी यांनी केले.