पुणे १९ : पुण्यात धक्कादायक घटना घडली. जुन्नर तालुक्यातील मांजरवाडी येथे एका मुलाने वडील ज्ञानेश्वर खंडागळे यांची हत्या केली. तुम्ही बहिणीकडे का जाता? यावरून बाप-लेकामध्ये वाद झाला. वादावादीनंतर गणेशने ज्ञानेश्वर यांना मारहाण केली. यात ज्ञानेश्वर गंभीर जखमी झाले. उपचारादरम्यान त्यांचा मृत्यू झाला.
जुन्नर तालुक्यात एका मुलाने आपल्या वडिलांना मारल्याची धक्कादायक घटना समोर आली आहे. मांजरवाडी येथे ही घटना घडली. गणेश खंडागळे (वय 38) याने वडील ज्ञानेश्वर खंडागळे (वय 55) यांच्यावर हल्ला केला. यात ज्ञानेश्वर यांचा मृत्यू झाला. तुम्ही वारंवार बहिणीकडे का जाता? या कारणावरून बाप-लेकामध्ये वाद झाला होता. त्यानंतर वडिलांची हत्या करण्यात झाली. 16 जुलै रोजी सायंकाळी ही घटना घडली. हत्येप्रकरणी पोलिसांनी गणेशला अटक केली आहे.
ज्ञानेश्वर खंडागळे आणि त्यांचा मुलगा गणेश यांच्यात काही दिवसांपासून वाद सुरू होते. गणेशला त्याचे वडील ज्ञानेश्वर वारंवार त्याच्या बहिणीकडे जात असल्याचा राग होता. 16 जुलै रोजी सायंकाळी याच कारणावरून दोघांमध्ये पुन्हा वाद झाला. वाद इतका वाढला, इतका विकोपाला गेला की गणेशने आपल्या वडिलांना मारहाण करायला सुरुवात केली. त्याने ज्ञानेश्वर यांना जोरात ढकलून खाली पाडलं. त्यानंतर त्यांच्या छातीवर, पोटावर आणि डोक्यावर लाथाबुक्क्यांनी मारहाण केली. मुलाने केलेल्या मारहाणीत ज्ञानेश्वर गंभीर जखमी झाले. या घटनेनंतर शेजाऱ्यांनी तातडीने नारायणगाव पोलीस स्टेशनला फोन करून संपूर्ण माहिती दिली. पोलिसांनी तात्काळ घटनास्थळी धाव घेतली. त्यांनी ज्ञानेश्वर यांना तातडीने रुग्णालयात दाखल केलं.सुरुवातीला मारहाण झालेल्या ज्ञानेश्वर यांना नारायणगावामधील एका खासगी रुग्णालयात नेण्यात आलं. पण त्यांची प्रकृती खूपच गंभीर होती. त्यामुळे त्यांना पुढील उपचारासाठी पुण्याला हलवण्यात आलं. पुण्यामध्ये उपचारादरम्यान 17 जुलै रोजी त्यांचा मृत्यू झाला. तुम्ही वारंवार बहिणीकडे का जाता? याच प्रश्नावरून वाद झाल्याची माहिती पोलिसांनी दिली. त्यानंतर गणेशने रागाच्या भरात हे कृत्य केलं, अशी माहिती पोलिसांनी दिली.पोलीस जवान आनंदा चौगुले यांच्या तक्रारीवरून पोलिसांनी गुन्हा दाखल केला आहे. आरोपी गणेश खंडागळे याला अटक करण्यात आली आहे. या प्रकरणाचा पुढील तपास उपविभागीय पोलिस अधिकारी रवींद्र चौधर यांच्या मार्गदर्शनाखाली सहाय्यक पोलिस निरीक्षक महादेव शेलार करत आहेत.