कन्हान :- माजी पोलीस महासंचालक डी. शिवानंद आणि त्यांच्या नेतृत्वात मुंबई रोटी फाउंडेशन च्या माध्यमातुन शालेय विद्यार्थ्याना योग्य शिक्षण, साधन-सामग्री आणि योग्य पायाभुत सुविधा देण्यात येत असल्याने बळीराम दखने हायस्कुल व्दारे माजी पोलीस महासंचालक डी. शिवानंद व त्यांच्या सहका-यांचा आणि माजी विद्यार्थी तसेच माजी खासदार प्रकाश जाधव आदी मान्यवरांचा सत्कार कर ण्यात आला.
विकास प्राथमिक शाळा कन्हान व बळीरामजी दखणे हायस्कुल कन्हान येथे शालेय जीवनातील प्रत्येक मुलाला योग्य शिक्षण, साधन-सामग्री आणि योग्य पायाभुत सुविधा मिळावीत, यासाठी माजी पोलीस महासंचालक डी. शिवानंद आणि त्यांच्या नेतृत्वात मुंबई रोटी फाउंडेशन मोठ्या प्रमाणावर कार्यरत आहे. या फाउंडेशन द्वारे शाळांना दिलेली मदत हे एका उंच आणि प्रेरणादायक कार्याचे उदाहरण आहे. अशा प्रेरणादायी माजी पोलिस महासंचालक व समाजसेवक डी. शिवानंद सर, त्यांचे सहकारी चंद्रजी बागरिया, प्राध्यापक संजय पन्नासे, संजय सरकार यांनी शाळेला भेट दिली असता
कार्यक्रमाचे अध्यक्ष मुख्याध्यापक सचीन अल्लडवार तर प्रमुख अतिथी शाळेचे पर्यवेक्षक व शाळा समिती अध्यक्ष यतिन पशीने यांच्या उपस्थितीत डी. शिवानंद व त्यांचे सहकारी तसेच शाळेचे माजी विद्यार्थी व रामटेक लोकसभा क्षेत्राचे माजी खासदार प्रकाश जाधव अध्यक्ष ग्रामन्नती सेवा प्रतिष्ठान कन्हान यांचा शाळेचे मुख्याध्यापक यांचे हस्ते शाल, श्रीफळ व पुष्पगुच्छाने सत्कार करण्यात आला. ‘ रोटी फाऊंडेशन ’ तर्फे शाले य विद्यार्थ्यांना ‘ पुरक पोषक आहार ’ तसेच ‘खेळांचे साहित्य’ शाळेत पुरविण्यात आले. कार्यक्रमाचे प्रास्ता विक विकास प्राथमिक शाळेचे मुख्याध्यापक राजेन्द्र खंडाईत यांनी केले. शाळेचे माजी विद्यार्थी प्रकाश जाधव यांनी यावेळी विद्यार्थ्यांना मार्गदर्शन केले. कार्यक्रमाचे संचालन भाग्यश्री नखाते यांनी केले. कार्यक्रमाच्या यशस्वितेसाठी शाळेतील सर्व शिक्षकवृंद, शिक्षकेतर कर्मचाऱ्यांनी व विद्यार्थ्यांनी सहकार्य केले.