Stock Market Crash : मध्य पूर्वेतील युद्धाचे आता परिणाम जाणवू लागले आहेत. आंतरराष्ट्रीय ऊर्जा बाजाराचा पाया हादरला आहे. कच्चा तेलाचे भाव वाढून 115 डॉलर प्रति बॅरलच्या पुढे गेले आहेत. आंतरराष्ट्रीय बाजारात कच्चा तेलाचे दर अशा प्रकारे वाढले तर महागाई भडकू शकते.
भारतीय शेअर बाजार आज उघडताच मोठी घसरण दिसून आलीय. मागच्या आठवड्यातही सेंसेक्समध्ये घसरण झाली होती. आज आठवड्याच्या पहिल्याच दिवशी पहिल्या सत्रात बाजार उघडताच बॉम्बे स्टॉक एक्सचेंजचा 30 शेअर्सचा सेंसेक्स 2400 पेक्षा जास्त अंकांनी कोसळला. नॅशनल स्टॉक एक्सचेंज निफ्टीच्या इंडेक्सने सुद्धा 700 पेक्षा जास्त अंकांच्या घसरणीसह व्यवहाराची सुरुवात केली. या घसरणीमागे अनेक कारणं आहेत. अमेरिका-इस्रायल विरुद्ध इराण युद्धाशी संबंधित ही कारणं आहेत.
Indian Stock Market मध्ये मागच्या आठवड्यातही असचं भितीदायक चित्र होतं. आठवड्याच्या अखेरच्या दिवशी शुक्रवारी दोन्ही इंडेक्समध्ये मोठी घसरण नोंदवण्यात आली. शुक्रवारी BSE सेंसेक्स दिवसभराच्या घसरणीसह बाजार बंद होताना 1097 अंकांच्या घसरणीसह बंद झाला होता. NSE Nifty 315 अंक घसरुन बंद झालेला.
आधीपासूनच परदेशातून रेड सिग्नल
भारतीय शेअर बाजाराला आधीपासूनच परदेशातून रेड सिग्नल मिळत होते. मिडिल ईस्टमधील युद्ध भीषण बनल्यानंतर आशियाई शेअर बाजार अजून कोसळले. जापानचा निक्केई 4000 अंकांपेक्षा जास्तने कोसळून ट्रेड करताना दिसला. हाँगकाँगचा हँगसेंग इंडेक्स 800 पेक्षा जास्त अंकांनी कोसळला. त्याशिवाय दक्षिण कोरियाचा कोस्पी इंडेक्सची वाईट अवस्था होती. जवळपास 7 टक्क्यापेक्षा जास्तने कोसळून ट्रेड करत होता. Gift Nifty बद्दल बोलायचं झाल्यास सोमवारी बाजार उघडताच तो क्रॅश झाला. 500 पेक्षा जास्त अंकांनी कोसळून व्यवहार करत होता.
त्याचा बोजा सर्वसामान्यांवर येणार
मध्य पूर्वेतील युद्धाचे आता परिणाम जाणवू लागले आहेत. आंतरराष्ट्रीय ऊर्जा बाजाराचा पाया हादरला आहे. कच्चा तेलाचे भाव वाढून 115 डॉलर प्रति बॅरलच्या पुढे गेले आहेत. आंतरराष्ट्रीय बाजारात कच्चा तेलाचे दर अशा प्रकारे वाढले तर महागाई भडकू शकते. पेट्रोल-डिझेलच्या किंमती वाढल्या तर दैनंदिन वस्तू महागणार. त्याचा बोजा सर्वसामान्यांवर येणार. इराणकडून आखाती देशांमधील तेल रिफायनरीवर हल्ले सुरु आहेत. त्यामुळे काही देशांनी तेल उत्पादन कमी केलय. स्ट्रेट ऑफ हॉर्मुजमधून वाहतूक करणाऱ्या जहाजांवर सुद्धा हल्ले होऊ शकतात. हे सुद्धा कच्चा तेलांचे दर वाढण्यामागचं एक कारण आहे.
