नागपूर :- नागपूर महानगरपालिका निवडणुकीच्या अनुषंगाने भारतीय जनता पार्टीच्या प्रभाग 26 मधील कार्यालयाचे मंगळवारी, 6 जानेवारी 2026 रोजी लोकार्पण झाले. भाजपा विदर्भ संगठन मंत्री डॉ. उपेंद्र कोठेकर व पूर्व नागपूरचे आमदार कृष्णा खोपडे यांनी फीत कापून जनसंपर्क कार्यालयाचा शुभारंभ केला.
यावेळी भारतीय जनता पार्टी महायुती चे प्रभाग 26 चे उमेदवार धर्मपाल मेश्राम, सीमा ढोमणे, शारदा बारई आणि जितेंद्र (बंटी) कुकडे प्रामुख्याने उपस्थित होते.
यावेळी भाजपा विदर्भ संगठन मंत्री डॉ. उपेंद्र कोठेकर यांनी मार्गदर्शन करताना चारही उमेदवारांच्या विजयाचा निर्धार केला. मागील पाच वर्षात प्रभागात आणि संपूर्ण नागपूर शहरात चौफेर झालेला विकास हिच भाजपच्या कामाची पावती असून जनता पुन्हा एकदा या विकासाला गती देईल, असा विश्वास देखील त्यांनी व्यक्त केला.
