नागपूर :- महिंद्रा अँड महिंद्रा लिमिटेडने आज 45×40’ HC एक्स्पोर्ट कंटेनर्सचा (एकूण १३५ ट्रॅक्टर्सचा) विशेष CONCOR रेक ICD मिहान (नागपूर) येथून न्हावा शेवा (जवाहरलाल नेहरू पोर्ट, मुंबई) येथे यशस्वीरित्या रवाना केल्याची अभिमानाने घोषणा केली. हा विशेष रेक कोलंबो, श्रीलंका येथील अत्यावश्यक आणि तातडीच्या आंतरराष्ट्रीय ऑर्डरची पूर्तता सुनिश्चित करण्यासाठी आयोजित करण्यात आला.
महिंद्रा अँड महिंद्रा लिमिटेडने कंटेनर कॉर्पोरेशन ऑफ इंडिया लिमिटेड (CONCOR) चे अविनाश पाल आणि त्यांच्या टीमचे वेळेवर व सक्रिय सहकार्याबद्दल विशेष कौतुक केले आहे. त्यांच्या त्वरित आणि प्रभावी सहाय्यामुळे हा विशेष रेक उपलब्ध करून देणे शक्य झाले, ज्यामुळे ग्राहकांच्या कडक निर्यात वेळापत्रकाची पूर्तता करण्यात महत्वाची मदत झाली. तसेच OOCL चे उत्तरी विभाग प्रमुख विक्रम चौधरी यांचेही आभार मानले. ज्यांनी ICD येथे कंटेनर्सची जलद उपलब्धता सुनिश्चित केली आणि त्यांना पुढील अंतिम गंतव्यस्थानापर्यंत पोहोचविण्याची प्रक्रिया सुकर केली. या संपूर्ण विशेष लॉजिस्टिक्स ऑपरेशनचे कुशल समन्वय आणि व्यवस्थापन ATC ग्लोबल लॉजिस्टिक्स प्रायव्हेट लिमिटेडच्या पूर्णिमा जाचक, शुभम पवार आणि त्यांच्या टीमने सांभाळले, ज्यामुळे अंतर्गत कंटेनर हालचाली पासून ते पोर्ट हँडओव्हर पर्यंतची प्रक्रिया सुरळीतपणे पार पडली.