अरोली येथे आज जागतिक महिला दिनानिमित्त महिला ग्रामसभा व सांस्कृतिक कार्यक्रम

– होम मिनिस्टर फेम रोशन हुकरे निभावणार निवेदकाची भूमिका

– गावातील सर्व महिलांनी उपस्थित राहावे – सरपंचा रोशनी प्रशांत भुरे 

किशोर साहू, मौदा :- आज रविवार (ता.८ मार्च )ला जागतिक महिला दिनाचे औचित्य साधून अरोली ग्रामपंचायत तर्फे संतकृपा मंगल कार्यालयात सकाळी 11 ते 4 वाजेपर्यंत महिला ग्रामसभा तथा महिलांसाठी सांस्कृतिक कार्यक्रमाचे आयोजन करण्यात आले आहे. सांस्कृतिक कार्यक्रम मनोरंजनात्मक करण्यासाठी निवेदक म्हणून होम मिनिस्टर फेम रोशन हुकरे उपस्थित राहणार आहेत.

महिला ग्रामसभेत महिलांच्या उत्थानासाठी व त्यांच्या विविध समस्यांवर चर्चा करून विकासात्मक ठराव घेण्यात येणार आहे, तरी गावातील महिलांनी महिला ग्रामसभा व सांस्कृतिक कार्यक्रमाला उपस्थित राहण्याचे आव्हान सोशल मीडियावर तशा प्रकारच्या व्हिडिओ व्हायरल करून अरोली ग्रा पं च्या सरपंच रोशनी प्रशांत भुरे यांनी केले आहे.