नेर, यवतमाळ :- सावित्रीबाई फुले स्मृतिदिन (१० मार्च), जागतिक महिला दिन (८ मार्च), तसेच प्रा. सतेश्वर मोरे स्मृतिदिन (२ मार्च) यानिमित्ताने २ रे वैदर्भीय आंबेडकरी महिला संमेलनाचे आयोजन करण्यात आले आहे. या महत्त्वपूर्ण कार्यक्रमाचे आयोजन रविवार, ८ मार्च २०२६ रोजी सकाळी १०.३० वाजता नेर येथील निर्मल बन्सी लॉनमध्ये होणार आहे.
कार्यक्रमाची अध्यक्षता प्रा. डॉ. रेखा मेश्राम करतील. उद्घाटनाचे सोहळे ज. वि. पवार (संस्थापक सदस्य, दलित पँथर) यांच्या हस्ते होईल. प्रमुख अतिथी म्हणून वनिता शरद मोरे, कांता अहिरे, पुरुषोत्तम तलवारे, पपिता पाटील उपस्थित राहणार आहेत. तसेच प्रमुख उपस्थिती म्हणून सुषमा पाखरे, डॉ. कीर्तिराज लोणारे, रामदास वीर, प्रा. डॉ. राजू इंगोले यांसारख्या महत्त्वपूर्ण व्यक्तिमत्त्वांचा समावेश आहे. संमेलनात सन्मान समारंभ आयोजित केला जाणार आहे. यामध्ये विविध क्षेत्रांत उत्कृष्ट कार्य करणाऱ्या महिलांचा सन्मान केला जाईल. त्यामध्ये चित्रकलेतील राष्ट्रीय पुरस्कार प्राप्त प्राचार्य योगिता चिंचोळे, आयुर्वेदिक महाविद्यालयाच्या डॉ. प्रा. सुजाता वानखडे, वैद्यकीय क्षेत्रातील डॉ. पूजा गायकवाड आणि कोविड काळात उत्कृष्ट सेवा देणारी पल्लवी सोपान मेश्राम यांचा समावेश आहे. परिसंवाद सत्रात ‘भारतीय स्त्री आणि आजचे वास्तव व उपाय’ या महत्त्वपूर्ण विषयावर चर्चा होईल. वक्ते म्हणून अनंत भवरे (छ. संभाजीनगर), प्रा. डॉ. चित्रा म्हात्रे (मुंबई), रमा घरडे (अमरावती), धम्मा कांबळे (यवतमाळ), प्रा. डॉ. सुनंदा वालदे (यवतमाळ) यांसारख्या मान्यवर व्यक्तिमत्त्वांचा समावेश आहे. या परिसंवादाचे अध्यक्ष म्हणून सुनंदा बोधिले उपस्थित असतील. त्यानंतर, कवि संमेलन होईल, ज्यामध्ये विविध कवी आपापल्या कविता सादर करणार आहेत. यामध्ये प्रा. संजय घरडे, दिगंबर झाडे, पुष्पा बोरकर, विलास थोरात, गिरीष खोब्रागडे आणि इतर कवी सहभागी होणार आहेत. कार्यक्रमाचे संचालन संजय मोकळे आणि प्रा. दीपाली गवई यांच्याकडून केले जाईल. कार्यक्रमाच्या समारोपास प्रा. डॉ. रेखा मेश्राम अध्यक्ष म्हणून उपस्थित राहतील. ठराव वाचन राजेश पाटील करतील. या ऐतिहासिक संमेलनात उपस्थित राहण्याचे आवाहन मुख्य संयोजक डॉ. शरद मोरे, महादेवराव घरडे व अयोजन समितीने केले आहे.
