– गौ सेवा समिती कन्हान क्षेत्राच्या पदाधिकाऱ्यांचे पोलिस निरीक्षकांना निवेदन
कन्हान :- शहर व ग्रामीण परिसरात वाढत असलेल्या अवैध गो-तस्करी आणि पशुंवरील क्रूरतेला तातडीने आळा घालावा, अशी मागणी गौ सेवा समिती कन्हान क्षेत्राच्या पदाधिकाऱ्यांनी पोलिस निरीक्षक वैजयंती मंडवधरे यांना निवेदन देऊन केली आहे.
कन्हान परिसरात गेल्या काही दिवसां पासुन उशिरा रात्री ते पहाटे पर्यंत मोठ्या प्रमाणात अवैधरित्या गोवंशीय जनावरांची तस्करी केली जात आहे. या प्रकारामुळे स्थानिक नागरिकांमध्ये तीव्र संताप निर्माण असुन कायदा व सुव्यवस्थेला उघडपणे आवाहन दिले जात आहे. तसेच समाजाच्या धार्मिक भावना दुखावल्या जावुन परिसरात सांप्रदायिक तणाव निर्माण होऊन शांतता भंग होण्याची शक्यता निर्माण झाली आहे.
गो-तस्करांकडुन मुख्यत्वे तारसा रोड, निलज, खंडाळा , सिहोरा, सत्रापुर मार्ग, पिपरी, गाडेघाट, जुनीकामठी मार्ग तसेच नागपुर–मनसर–जबलपुर महामार्गावरील टोल नाके व इतर ग्रामीण रस्त्यांचा वापर केला जात असल्याचे निवेदनात नमुद करण्यात आले. जनावरांना वाहनांमध्ये अमानुषपणे कोंबुन, चारा-पाण्याविना वाहतुक केली जात असल्याने हा गंभीर कायदेशीर गुन्हा असल्याचे समितीने म्हटले आहे.
शासनाच्या आदेशानुसार बिंदु क्रमांक ७ आणि ८ नुसार पोलिसांनी इतर विभागांच्या सहकार्याने संयुक्त भरारी पथके स्थापन करून अवैध कत्तलखा न्यांवर छापेमारी करावी. तसेच डायल ११२ हेल्पलाइन वर गो-तस्करी किंवा अवैध कत्तलीबाबत तक्रार प्राप्त होताच तातडीने कारवाई करण्याचे निर्देश देण्यात आले आहेत. गौ सेवा समितीने मागणी केली आहे की, गो-तस्करीसाठी वापरल्या जाणाऱ्या प्रमुख मार्गांवर आणि टोलनाक्यांवर अचानक नाकाबंदी करून रात्रीची गस्त वाढवावी. तसेच या अवैध कृत्यात सहभागी असलेल्या मुख्य सूत्रधार व वाहन मालकांची ओळख पटवुन त्यांच्यावर कठोर कायदेशीर कारवाई करावी. तस्करीसाठी वापरली जाणारी सर्व वाहने जप्त करून ती सहजपणे न्यायालयातुन सुटू नयेत यासाठी प्रशासनाने प्रयत्न करावेत. समितीच्या पदाधिकाऱ्यांनी पोलि स निरीक्षक वैजयंती मंडवधरे यांना हे प्रकरण गांभीर्या ने घेऊन महाराष्ट्र शासन गृह विभागाच्या २१ मे २०२६ च्या परिपत्रकानुसार ‘मकोका’ तसेच इतर अजामीन पात्र कलमांखाली कठोर कारवाई करण्याची मागणी केली आहे. गो-तस्करीवर तातडीने नियंत्रण आणले नाही, तर नागरिकांना रस्त्यावर उतरून तीव्र आंदोलन करावे लागेल आणि त्याची संपुर्ण जबाबदारी प्रशासनाची राहील, असा इशाराही गौ सेवा समिती कन्हान क्षेत्राच्या पदाधिकाऱ्यांनी दिला आहे.
यावेळी गौ सेवा समिती फाउंडेशनचे संस्थापक अध्यक्ष साई कनोजिया , सचिव लोकेश दमाहे , कन्हान क्षेत्र प्रमुख शुभम बावनकर , सदस्य ओम हजारे , प्रणय वाडीभस्मे , चैतन्य ओझा, ऋषभ बावनकर, दिनेश, तुषार रारैया , हिमांशू हुमाने , रोहित कनोजिया , आकाश कोठारी , प्रशांत सोनोडिया , सुकेश पाटील यांच्या सह आदि सदस्य उपस्थित होते .
