– भाजप अर्जुनी मोरगाव व केशोरी मंडळाचा समाजोपयोगी उपक्रम; २५ रक्तदात्यांनी केले रक्तदान
पंकज परशुरामकर, इनसाइडर न्युज टुडे
नवेगाव बांध :– महाराष्ट्राचे लाडके मुख्यमंत्री देवेंद्र फडणवीस यांच्या ५६ व्या वाढदिवसानिमित्त भारतीय जनता पार्टी अर्जुनी मोरगाव व केशोरी मंडळाच्या वतीने नवेगाव बांध येथे आयोजित करण्यात आलेल्या महा रक्तदान शिबिराला नागरिकांचा उत्स्फूर्त प्रतिसाद लाभला. “देव, देश, धर्म” आणि “सेवा ही संघटन” या तत्त्वांना प्रत्यक्ष कृतीत उतरवत समाजोपयोगी कार्याच्या माध्यमातून मुख्यमंत्री फडणवीस यांचा वाढदिवस साजरा करण्यात आला.
गुरुवार, दिनांक २३ जुलै २०२६ रोजी सकाळी १०.०० ते दुपारी २.०० या वेळेत नवेगाव बांध येथील आरुषी पब्लिक स्कूल अँड कॉन्व्हेंट येथे हे महा रक्तदान शिबिर पार पडले. डॉ. अ. का. कापगते यांच्या दवाखान्याजवळ असलेल्या या शाळेच्या परिसरात रक्तदात्यांसाठी सर्व आवश्यक सुविधा उपलब्ध करून देण्यात आल्या होत्या.
या शिबिरात एकूण २५ रक्तदात्यांनी रक्तदान करून मानवतेची सेवा बजावली. रक्तदान करणाऱ्या युवक, महिला आणि नागरिकांनी सामाजिक बांधिलकीचे उत्तम उदाहरण घालून दिले. गरजू रुग्णांसाठी रक्ताचा साठा उपलब्ध करून देण्याच्या या उपक्रमामुळे अनेकांना जीवनदान मिळण्यास मदत होणार असल्याचे आयोजकांनी सांगितले.
यावेळी जिल्हा परिषद अध्यक्ष लायकराम भेंडारकर, जिल्हा परिषद सदस्या रचना गहाणे, तालुका अध्यक्ष राधेश्याम भांडरकर, विजय कापगते, लायलेश्वर शिवणकर, संदीप कापगते, प्रकाश गहाणे, जयंत लांजेवार, चामेश्वर गहाणे, एकनाथ बोरकर, अण्णाजी डोंगरवार, गजानन डोंगरवार, प्रशांत शहारे, होमराज पुस्तोडे, ग्रामपंचायत सदस्य पूजा कापगते, अशोक हांडेकर, महादेव बोरकर आदी मान्यवर उपस्थित होते.
शिबिरात उपस्थित मान्यवरांनी रक्तदानाचे महत्त्व अधोरेखित करत नागरिकांना नियमित रक्तदान करण्याचे आवाहन केले. अपघातग्रस्त, शस्त्रक्रिया रुग्ण, थॅलेसेमिया बाधित बालके तसेच इतर गंभीर रुग्णांसाठी रक्ताची आवश्यकता सतत भासत असते. त्यामुळे रक्तदान हे केवळ सामाजिक कर्तव्य नसून मानवतेची सेवा असल्याचे त्यांनी नमूद केले.
भारतीय जनता पार्टी युवा मोर्चा अर्जुनी मोरगाव व केशोरी मंडळाच्या कार्यकर्त्यांनी शिबिराच्या यशस्वितेसाठी विशेष परिश्रम घेतले. परिसरातील नागरिक, युवक, महिला, सामाजिक संस्था आणि स्वयंसेवी संघटनांनी मोठ्या संख्येने सहभाग नोंदवत “रक्तदान महादान” हा संदेश जनतेपर्यंत पोहोचविला.
या महा रक्तदान शिबिराचे आयोजन चेतन नाकाडे आणि पराग कापगते यांच्या पुढाकारातून करण्यात आले. समाजहिताचा संदेश देणारा हा उपक्रम मुख्यमंत्री देवेंद्र फडणवीस यांच्या वाढदिवसानिमित्त नागरिकांच्या सहभागातून यशस्वी ठरला असून, भविष्यातही अशा समाजोपयोगी उपक्रमांचे आयोजन करण्यात येईल, असा विश्वास आयोजकांनी व्यक्त केला.
“रक्तदान हे मानवतेच्या सेवेसाठी केले जाणारे सर्वोच्च दान आहे. एका रक्तदात्यामुळे अनेक गरजू रुग्णांना जीवनदान मिळू शकते. अपघातग्रस्त, शस्त्रक्रिया रुग्ण तसेच थॅलेसेमिया बाधित बालकांसाठी रक्ताची गरज सतत भासत असते. त्यामुळे प्रत्येक निरोगी व्यक्तीने नियमित रक्तदान करून समाजाप्रती आपले कर्तव्य पार पाडावे. मुख्यमंत्री देवेंद्र फडणवीस यांच्या वाढदिवसानिमित्त आयोजित करण्यात आलेले हे महा रक्तदान शिबिर समाजहिताचा आदर्श संदेश देणारे आहे.”
— डॉ. अ. का. कापगते नवेगाव बांध