– सर्वसामान्यांच्या समस्या शासन-प्रशासनासमोर प्रभावीपणे मांडणाऱ्या कार्यकर्त्याचा गौरव; जनहितासाठी सातत्याने संघर्ष करण्याचा निर्धार
नागपूर :- सर्वसामान्य नागरिकांच्या समस्या, जनतेचे विविध प्रश्न आणि त्यांच्या न्याय्य हक्कांसाठी सातत्याने आवाज उठवून शासन- प्रशासनाचे लक्ष वेधून घेणारे सामाजिक व सार्वजनिक कार्यकर्ते संतोष भुजाडे यांचा राष्ट्रवादी काँग्रेस पक्षाच्या बजाज नगर, नागपूर येथील कार्यालयात विशेष सत्कार करण्यात आला. जनतेच्या प्रश्नांना प्राधान्य देत त्यासाठी सातत्याने पाठपुरावा करणाऱ्या त्यांच्या कार्याची दखल घेत हा सन्मान करण्यात आला. सामान्य नागरिकांना भेडसावणाऱ्या विविध समस्या, स्थानिक पातळीवरील प्रश्न तसेच नागरिकांच्या मूलभूत हक्कांशी संबंधित विषय शासन -प्रशासनासमोर ठामपणे मांडण्याचे काम संतोष भुजाडे सातत्याने करीत असल्याचे यावेळी उपस्थित मान्यवरांनी नमूद केले. जनतेच्या अडचणी केवळ ऐकून न घेता त्या सोडविण्यासाठी संबंधित प्रशासनाकडे पाठपुरावा करण्याची त्यांची कार्यपद्धती कौतुकास्पद असल्याचेही उपस्थितांनी सांगितले.
यावेळी मनोगत व्यक्त करतांना प्रशांत पवार आणि शिवराज गुजर यांनी पक्षासाठी तसेच जनतेसाठी प्रामाणिकपणे आणि निष्ठेने काम करणाऱ्या कार्यकर्त्याचा योग्य सन्मान होणे आवश्यक असल्याचे मत व्यक्त केले. “पक्षासाठी आणि जनतेसाठी झटणाऱ्या कार्यकर्त्याचा योग्य सन्मान व्हायलाच हवा,” असे त्यांनी सांगितले. कार्यकर्त्यांच्या सामाजिक योगदानाला प्रोत्साहन मिळाल्यास जनहिताच्या कामांना अधिक बळ मिळते, असेही त्यांनी स्पष्ट केले. जनतेच्या प्रश्नांना वाचा फोडण्यासाठी आणि नागरिकांच्या हक्कांसाठी खंबीरपणे उभे राहण्याचा संतोष भुजाडे यांचा संकल्प प्रेरणादायी असल्याचे उपस्थितांनी सांगितले. समाजातील सामान्य नागरिकांना न्याय मिळवून देण्यासाठी प्रशासनाच्या विविध स्तरांवर प्रश्न मांडणे, त्यांचा पाठपुरावा करणे आणि आवश्यक त्या ठिकाणी जनतेच्या बाजूने भूमिका घेणे, ही लोकप्रतिनिधित्वाची महत्त्वाची जबाबदारी असल्याचे यावेळी नमूद करण्यात आले.
सत्काराला उत्तर देताना संतोष भुजाडे यांनी जनतेने दाखविलेला विश्वास हीच आपली खरी ताकद असल्याचे सांगून आगामी काळातही सर्वसामान्य नागरिकांच्या प्रश्नांसाठी प्रामाणिकपणे कार्यरत राहण्याचा निर्धार व्यक्त केला. जनतेच्या समस्या सोडविण्यासाठी आवश्यक त्या पातळीवर सातत्याने पाठपुरावा करण्यात येईल आणि नागरिकांच्या हक्कांसाठी आपला आवाज बुलंद ठेवला जाईल, अशी भूमिका त्यांनी यावेळी व्यक्त केली. दरम्यान, उपस्थित मान्यवरांनी संतोष भुजाडे यांचे अभिनंदन करून त्यांच्या पुढील सामाजिक व सार्वजनिक वाटचालीस मनःपूर्वक शुभेच्छा दिल्या. जनहिताच्या विविध प्रश्नांसाठी त्यांचे कार्य आगामी काळातही अधिक व्यापक होईल, असा विश्वास यावेळी व्यक्त करण्यात आला. या सत्कार कार्यक्रमाला योगेश ज्ञानेश्वर धोटे पाटील, भारत ठाकरे, कुलवंत सिंग भामरा, तुषार ढोबळे, मनोज जरेल, आशिष खुबळकर, गोविंदराव सोमकुवर, गोविंदराव सूत्रवे, आल्हाद जंगम, मिलिंद महादेवकर, सुखदेव वंजारी, अमरीश ढोरे, कपील मेश्राम, शोभा येवले यांच्यासह राष्ट्रवादी काँग्रेस पक्षाचे पदाधिकारी, कार्यकर्ते तसेच नागरिक मोठ्या संख्येने उपस्थित होते. उपस्थितांच्या उत्स्फूर्त प्रतिसादात संतोष भुजाडे यांचा सत्कार करण्यात आला.
