नागपूर 28 : नवीन सुभेदार येथील एडुसन फाऊंडेशन तर्फे २६ जून रोजी छत्रपती राजश्री शाहू महाराज यांची १५१ वी जयंती साजरी करण्यात आली. सर्वप्रथम छत्रपती राजश्री शाहू महाराज यांच्या प्रतिमेला माल्यार्पण करण्यात आले. याप्रसंगी संस्थेचे संचालक डॉ. निलेश काळे, सहसंचालक सरोज काळे उपस्थित होते. सरोज काळे यांनी छत्रपती राजश्री शाहू महाराज यांच्या शिक्षण क्षेत्रातील बहुमूल्य योगदानाबद्दल मुलांना माहिती दिली व या दिनाचे विशेष महत्व अधोरेखित केले. डॉ निलेश काळे यांनी छत्रपती राजश्री शाहू महाराज यांच्या जीवनावर प्रकाश टाकून मुलांना सामाजिक बांधिलकी जपण्याकरिता प्रेरित केले.
