तिरोडा :- तालुक्यातील लाखेगाव गावात बुधवारी घडलेल्या एका दुःखद घटनेत ३५ वर्षीय कैलाश सुरजलाल पटले यांचा मृत्यू झाला.
सविस्तर वृत्तानुसार, मृत कैलाश पटले हे घरातून शेतात शेळ्या चरण्यासाठी गेले होते. ते शेतातील एका झाडावर चढले आणि घरासाठी लाकडे तोडत होते. लाकडे तोडत असताना अचानक त्यांचा तोल गेला आणि ते थेट खाली पडले.
गंभीर अवस्थेत, कुटुंबातील सदस्यांनी आणि ग्रामस्थांनी त्यांना तातडीने उपचारासाठी जवळच्या रुग्णालयात नेले परंतु डॉक्टरांनी मृत घोषित केले.
घटनेची माहिती मिळताच पोलिसांनी पंचनामा करून शवविच्छेदनानंतर मृतदेह कुटुंबाकडे सोपवण्यात आला.
घटनेचा अधिक तपास तिरोडा पोलीस करीत आहेत.मृतदेहावर शोकाकुल वातावरणात अंत्यसंस्कार करण्यात आले.
या अचानक घडलेल्या घटनेमुळे लाखेगाव गावात शोककळा पसरली आहे.
