तालुक्यातील १२१ दिव्यांग, वयोवृद्धांना साहित्य वाटप.

रामटेक 28  :- एडीप’ व ‘वयोश्री’ या भारत सरकारच्या योजनांतर्गत दिव्यांग व वयोवृद्धांना मोफत साहित्य वाटपाकरिता तपासणी शिबिरात पात्र ठरलेल्या दिव्यांग व वयोवृद्धांना स्नेहसदन दिव्यांग मुलांची शाळा शितलवाडी येथे दि.२७ जुनला एकूण १२१ दिव्यांग व वयोवृद्ध लाभार्थीनां राज्यमंत्री अँड. आशिष जयस्वाल यांच्या हस्ते साहित्याचे वाटप करण्यात आले. राज्यमंत्री आशिष जयस्वाल यांनी राज्य शासन लवकरच जिल्हा नियोजन विकास समितीचा दिव्यांगांकरिता राखीव केलेला १ टक्के निधी वितरणाची कार्यपध्दती दिव्यांग कल्याण विभागामार्फत जाहीर करणार असून दिव्यांगांना त्यातून आपले जीवनमान उचंविण्यासाठी मोलाची मदत मिळेल. तसेच माझा दिव्यांग सहाय्यता कक्षामार्फत लवकरच एक आगळा वेगळा उपक्रम म्हणजे दिव्यांग करिता आवश्यक साधन साहित्य लवकर प्राप्त होण्यासाठी दिव्यांग साहित्य बँक चे उपक्रम राबविण्यात येणार असे सांगितले. कार्यक्रमाला शीतलवाडी चे माजी सरपंच धर्मराज रहाटे सदस्य संजय येनूरकर, विकास झाडें,संकेत काठीकार, डॉ. आकाश यादव ( क्लिनिकल प्रोस्थेटिस्ट एंड ऑर्थोटिस्ट) रुद्र धनराज चोपड़े (ईडीपी) निखिल कसारे ( यूएसडब्लू) स्नेहसदन शाळेचे मुख्याध्यापक पंकज पांडे, व शाळेतील विशेष शिक्षक प्रदीप बागडे, प्रीतम मानकर, सविता अतकर, प्रिया दुबे, किश्वर शेख, प्रविण महल्ले, प्रवीण, अशोक पातोडे कर्मचारी सचिन झाडें, अमन दीक्षित, मोहन बांगडे, नितीन खेवले, अतुल घोडाकाडे, विशाल भाजीपाले, सुनीता मसराम, मनीषा नरुले, मिनाक्षी वाघधरे, अश्विनी गोरे, कर्मचारी उपस्थित होते. या कार्यक्रमाला भारतीय कृत्रिम अंग निर्माण निगम, कानपुर व सीआरसी नागपूर यांचे विशेष सहकार्य लाभले.