नागपूर :- नागपूरच्या झिंगाबाई टाकळी येथील आशीर्वाद विद्यालयात कर्करोग कवच, गर्भाशयाच्या कर्करोगाचे (एच पी व्ही) लसीकरण शिबीर, आमच्या डिस्ट्रिक्ट 303 च्या डीसी, रमा गर्ग, डीव्हीसी, मनीषा चौधरी, डीआयएसओ, उज्ज्वला मोहता यांच्या मुख्य उपस्थितीत आयोजित करण्यात आले होते. एकूण ४१७ लसीकरण पूर्ण झाले, ज्यामध्ये ४०० मुली (११ ते १७ वयोगटातील) आणि १७ महिला शिक्षिका (२१ ते ४५ वयोगटातील) यांचा समावेश होता. स्वास्थ्य वृक्ष फाउंडेशन आणि आदित्य बिर्ला कॅपिटल फाउंडेशनच्या सहकार्याने लसीकरण मोहीम यशस्वीरित्या पूर्ण झाली. हा कार्यक्रम ईनर व्हिल क्लब ऑफ नागपूर ऑरेंज सिटीच्या उपाध्यक्षा स्मिता बागडदेव यांच्या पुढाकाराने आयोजित करण्यात आला होता. एका लसीची किंमत ₹४,००० आहे. अशा ४०० लसींची एकूण किंमत ₹१६,००,००० (सोळा लाख रुपये) आहे. या कार्यक्रमाला पालक, शिक्षक आणि विद्यार्थ्यांकडून सकारात्मक प्रतिसाद मिळाला. भविष्यात गर्भाशयाच्या मुखाच्या कर्करोगापासून त्यांचे संरक्षण करण्यासाठी आणि त्यांची प्रतिकारशक्ती वाढवण्यासाठी या लसी देण्यात आल्या.
स्वास्थ्य वृक्ष फाउंडेशनच्या संस्थापक अध्यक्षा डॉ. दीपिका चांडोक, उपाध्यक्ष अभिषेक चावला, संचालक डॉ. हेमचंद्र सालोडकर, मंजू कारेमोरे, साक्षी बोरकर, ईशा कुप्पलवार, डॉ. अमृता वर्मा, डॉ. पायल अग्रवाल, अनिकेत इंगळे आणि इतर सहकारी यांच्या सहकार्याने हा कार्यक्रम यशस्वीपणे पार पडला. लसीकरणा नंतर लगेचच प्रत्येक मुलीला फृटी देण्यात आली. क्लब सदस्या स्वाती वानकर, स्मिता बागडदेव, प्रीती नवले, वर्षा पाणबुडे, वैशाली चिंचोलकर, ममता वालदे आणि स्थानिक सामाजिक कार्यकर्ते बंडू ठाकरे हे देखील या कार्यक्रमात उपस्थित होते. शाळेचे अध्यक्ष संजय ठाकरे, मुख्याध्यापक विजय नानोटकर, ठाकरे आणि सर्व कर्मचाऱ्यांनी उत्तम सहकार्य आणि आदरातिथ्य केले. क्लबच्या अध्यक्षा डॉ. शारदा रोशनखेडे यांनी सर्वांचे आभार व कृतज्ञता व्यक्त केली. लसीकरण मोहीम यशस्वीरित्या पूर्ण झाली. महिलांची स्थिती – महिला आणि मुलींची काळजी या श्रेणीमध्ये हा उपक्रम घेण्यात आला.