गडचिरोली :- शासकीय वैद्यकीय महाविद्यालय, मिरज, शासकीय वैद्यकिय महाविद्यालय व रुग्णालय, मिरज, पदमभुषण वसंतदादा पाटील शासकीय रुग्णालय, सांगली व आरोग्य शिक्षण पथक, तासगांव या संस्थेच्या गट – ड सरळसेवा पदभरती ही परिक्षा गडचिरोली येथील शासकीय सायन्स कॉलेज गडचिरोली, चामोर्शी रोड कन्नमवार नगर गडचिरोली परिक्षा केद्रावर दिनांक ३१ डिसेंबर २०२५ रोजी दुपारी ०१.०० वाजता च्या कालावधीत घेण्यात येणार आहे. तसेच राष्ट्रीय परीक्षा एजन्सी यांच्यामार्फत आयोजित UGC NET Decemder २०२५ (Computer Based Test) ही परिक्षा गडचिरोली येथील शासकीय विज्ञान महाविद्यालय, चामोर्शी रोड. गडचिरोली परिक्षा केंद्रावर दिनांक ३१ डिसेंबर २०२५ रोजी ते ०७ जानेवारी २०२६ सकाळी ७.०० ते दुपारी १२.०० वाजता (सकाळ सत्र) व दुपारी १.०० ते ६.०० वाजता (दुपार सत्र) च्या कालावधीत घेण्यात येणार आहे आणि महाराष्ट्र लोकसेवा आयोगामार्फत रविवार, दिनांक ०४ जानेवारी २०२६ रोजी महाराष्ट्र गट – ब (अराजपत्रित) सेवा संयुक्त पुर्व परिक्षा २०२५ ही परिक्षा गडचिरोली येथील दहा परिक्षा उपकेंद्रावर (शाळा / महाविद्यालयांत) सकाळी ११.०० ते दुपारी १२.०० पर्यंत च्या कालावधीत घेण्यात येणार आहे.
परिक्षा केंद्रावर परिक्षा शांततेच्या वातावरणात पार पडतील व तेथील परिक्षार्थींना तणावमुक्त वातावरणात परिक्षा देणे शक्य होईल अशी व्यवस्था करावी म्हणून परिक्षा केंद्रांच्या परिसरात 200 मीटर अंतरापर्यंत भारतीय सुरक्षा संहिता 2023 चे कलम 163 अन्वये मनाई हुकुम जारी करणे हे कायदा व सुव्यवस्था अबाधित राखण्याकरीता आवश्यक झाले आहे.
त्याअनुषंगाने जिल्हादंडाधिकारी, अविश्यांत पंडा यांना प्राप्त अधिकाराअंतर्गत भारतीय नागरीक सुरक्षा संहिता 2023 चे कलम 163 अन्वये सदर परिक्षा सुरळीतपणे व पारदर्शकपणे पार पाडण्याच्या दृष्टीने सदर परिक्षा केंद्राच्या 200 मिटर अंतरापर्यंत पुढीलप्रमाणे बाबी/कृत्ये करण्यास प्रतिबंधात्मक आदेश जारी केले आहे.
निषिद्ध क्षेत्रात झेरॉक्स मशीन, फॅक्स, व एस टी डी बुथ, परिक्षा कालावधीत सुरु राहणार नाही. परिक्षा केंद्रात व परिसरात मोबाईल फोन, लॅपटॉप, पेजर, टेपरेकॉर्डर, कॅमेरा इत्यादींचा वापर करता येणार नाही. निषिद्ध क्षेत्रात नारेबाजी करणे, गाणी म्हणणे, वाद्य वाजविणे, भाषण करणे, घोषणा करता येणार नाही. पाच पेक्षा जास्त इसम एकत्र येणार नाहीत. शस्त्र, सोटे, तलवारी, भाले, बंदुका, सुरे, काठ्या किंवा लाठया किंवा शारिरीक इजा करण्यासाठी वापरता येईल, अशी इतर कोणतीही वस्तु बरोबर ठेवता येणार नाही. कोणताही दाहक पदार्थ किंवा स्फोटक पदार्थ बरोबर नेता येणार नाही. परिक्षा केंद्रापासून 200 मीटर अंतरावर चुन्याची लाईन आखण्यात यावी. कोणत्याही व्यक्तीकडून परीक्षा सुरळीतपणे व शांततेच्या वातावरणामध्ये पार पाडण्यासाठी बाधा उत्पन्न करण्यात येणार नाही. परीक्षा केंद्रावर कोणत्याही अनाधिकृत व्यकतीस/ वाहनास प्रवेशास मनाई राहील.
सदर आदेश कर्तव्य बजावणारे वरिष्ठ अधिकारी, आणि कायदा व सुव्यवस्था राखण्यासाठी तैनात करण्यात आलेले वरिष्ठ पोलिस अधिकारी यांना लागू राहणार नाही. पोलीस अधिक्षक, गडचिरोली यांनी परिक्षेच्या दरम्यान कायदा व सुव्यवस्थेचा कोणताही प्रश्न निर्माण होणार नाही या दृष्टीने सुक्ष्म नियोजन करून आवश्यक पोलीस बंदोबस्त लावण्याची कार्यवाही व जबाबदारी पार पाडावी. सदर अधिसूचनेतील कोणत्याही शर्तीचे उल्लंघन करणाऱ्याविरुद्ध फौजदारी नियमांतर्गत योग्य ती कार्यवाही करण्यात येईल. सदर आदेश परिक्षेच्या दिनांकास अमलात राहील असे जिल्हादंडाधिकारी, गडचिरोली यांनी कळविले आहे.