यवतमाळ :- शिवजयंती निमित्याने आयोजित राळेगाव येथील छत्रपती महोत्सवातील सांस्कृतिक स्पर्धेत प्रा. डॉ राम पंचभाई लिखित ,निर्मित आणि सहदिग्दर्शित एकांकिका ” शिवशिल्प” ने प्रथम क्रमांक पटकावला आहे.
छत्रपती शिवाजी महाराज जयंती उत्सव समिती,राळेगाव आयोजित सांस्कृतिक स्पर्धेत अनेक नाटक,नृत्य नाटिकांचे प्रभावी सादरीकरण झाले. त्यात दमदार अभिनयाने प्रेक्षकांना मंत्रमुग्ध करणाऱ्या यवतमाळच्या एकांकिका ” शिवशिल्प”ने प्रथम क्रमांक मिळवून,
एकतीस हजार रुपयांचे प्रथम पारितोषिक प्राप्त केले.या नाटकात,प्रा. डॉ.राम पंचभाई,प्रा.सोनाली पंचभाई, ऋषिकेश निवल, रूपाली बेहरे, अवंती पन्नासे , नेहा शर्मा,आशिष शेळके,सावन राठोड,प्रज्वल रामटेके यांच्या भूमिका लक्षणीय राहिल्या.
“शिवशिल्प” या एकांकिकेचे दिग्दर्शन ऋषिकेश निवल यांनी केले.संगीत दिग्दर्शन मुनेश चव्हाण व ओम गायकवाड यांनी केले.प्रकाश संयोजन अशोक कार्लेकर तर नेपथ्य कुणाल मोरे यांनी केले. परीक्षक …प्रसिद्ध कवी,समीक्षक माधुरी आशीरगडे नागपूर, अपूर्वा सोनार व प्रा.अजय कोलारकर होते.