महाराष्ट्राची हास्य जत्रा या शो मधून घराघरात लोकप्रिय झालेला गौरव मोरे सध्या झी मराठीवरील चला हवा येऊ द्या या शोमध्ये दिसत आहे. गौरव मोरेने आपल्या परफेक्ट कॉमिक टाइमिंग ने विनोदाच्या दिशा बदलल्या. त्याचा प्रचंड मोठा चाहता वर्ग निर्माण झाला आहे. गौरव मोरे हा सर्वसामान्य घरातला मुलगा. अगदी ताडपत्री लावलेल्या झोपडीत त्याचे बालपण गेले. पण त्याने आपल्या कलागुणाने आता घवघवीत यश प्राप्त केले आहे.
गौरव मोरेचे स्कीट असले की प्रेक्षक ते आवर्जून पाहतात. आणि मनमुराद हसण्याचा आनंद घेतात. गौरव आपल्या स्किट मध्ये बरेचदा पवई फिल्टर पाडा या विभागाचा उल्लेख करत असतो . खरे तर याच ठिकाणी त्याचे बालपण गेले. आपल्याला संपूर्ण आयुष्य याच ठिकाणी घालवावा अशी त्याची इच्छा होती. ज्या विभागाशी आपली नाळ जोडली गेली आहे तिथेच आपलं संपूर्ण आयुष्य जावं ही त्याची इच्छा पूर्ण झाली आहे. काही दिवसांपूर्वी त्याला म्हाडाचं घर लागलं होतं. विशेष म्हणजे ते घर त्याला पवई फिल्टर पाड्यांमध्येच लागलं. त्यामुळे गौरव आणखी खुश झाला आहे. आयुष्य झोपडीत घालवल्यानंतर आता फ्लॅटमध्ये आपल्या कुटुंब मोठ्या दिमाखात राहील यामुळे गौरव आणखी खुश आहे. नुकत्याच त्याला या घराच्या चाव्या मिळाल्या. त्यानिमित्ताने त्याने सोशल मीडियावर फोटो शेअर करून आनंद व्यक्त केला आहे. Gourav More ने या फोटो सोबत लिहिले की (ताडपत्री ते फ्लॅट) फ़िल्टर पाडा ते पवई हा प्रवास बघताना खूप छोटा वाटतो,पण तो पूर्ण करण्यासाठी खूप वर्ष लागली आहे. जिथे राहतो तिथेच आपल घर असाव हे कायम मनात होत. लहानपणापासुन वाटत होत जिथे राहतो तिथेच घर घ्यायचं आणि आज ते स्वप्न खऱ्या अर्थाने सत्यात उतरलं आणि काल दिनांक 25-9-2025 रोजी आम्हाला आमच्या पवई च्या नवीन घराचा ताबा मिळाला.
source : maharashtra times