भंडारा ९ : भंडारा पोलिस ठाणे हद्दीतील पालांदूर-मानेगाव राज्यमार्गावरील गोंडेगाव येथील तलावाजवळील वळणावर सोमवारी सायंकाळी ५.०० वा. उभ्या असलेल्या मानव विकास एस.टी.बस वर दुचाकी आदळल्याने झालेल्या भीषण अपघातात दुचाकीस्वार आशिष रमेश गोंडाणे (३७, रा. पालांदूर) यास गंभीर दुखापत झाल्याने लाखनी ग्रामीण रुग्णालयात उपचाराकरिता भरती केल्यानंतर कर्तव्यावरील डॉक्टरांनी त्यास मृत घोषित केले.
विहीरगाव वरून पालांदुरमार्गे लाखनीकडे जाणारी मानव विकास एसटी बस (एमएच ०६ एस.८८३४) ही गोंडेगाव जवळून जात असताना समोर म्हशींचा कळप आल्याने बस चालकाने बस रस्त्याच्या कडेला उभी केली होती. त्याचवेळी विरुद्ध दिशेने दुचाकीस्वाराने आमोरासमोर जोरदार धडक दिली. या धडकेनंतर दुचाकीस्वार रस्त्यावर पडला. त्याच्या डोक्यावर मार लागल्याने तो गंभीर झाला होता. त्याला उपचारासाठी रुग्णालयात दाखल केले असता, डॉक्टरांनी तपासून मृत घोषित केले.
प्राथमिक माहितीनुसार, आशिष गोंडाणे हा लाखनी येथे आपली खाजगी कामे आटोपून लाखनी वरून स्वगावी पालांदूरकडे त्याच्या मालकीची दुचाकी गाडी क्रमांक एम. एच. ३६ ए. एन. ५४२८ ने परतत असतांना दरम्यान वळणावर उभ्या असलेल्या मानव विकास एसटी बसला दुचाकीने धडक दिल्याने ही दुर्घटना घडली. अपघातानंतर काही काळ ह्या मार्गावर वाहतूक ठप्प झाली होती. स्थानिकांनी पालांदूर पोलिसांना घटनेची माहिती दिली. काही वेळातच पोलिसांनी घटनास्थळी दाखल होऊन वाहतूक सुरळीत केली तसेच अपघातस्थळी पंचनामा करून मृतदेह शवविच्छेदनासाठी लाखनी येथे पाठवला. आशिष गोंडाणे याच्या दुर्दैवी मृत्यूने परिसरात हळहळ व्यक्त होत आहे. पुढील तपास पालांदूर पोलिस करीत आहेत.
Click above on our news logo to access the Daily E_Newspaper.
For articles or advertisements, contact us at: dineshdamahe86@gmail.com.
Copyright Disclaimer:
If Any Image, video or article belongs to its respective owner/creator. Full credit goes to the original creator. No copyright infringement intended.
