किशोर साहू, मौदा :- महाराष्ट्र शासन महसूल व वन विभाग अंतर्गत महसूलमंत्री तथा पालकमंत्री चंद्रशेखर बावनकुळे व वित्त, नियोजन राज्यमंत्री आशिष जयस्वाल यांच्या संकल्पनेतून ग्रा पं चाचेर येथे छत्रपती शिवाजी महाराज महाराजास्व समाधान शिबिर अभियान राबविण्यात आले. या शिबिरात परिसरातील गरजू नागरिकांनी लाभ घेतला.
याप्रसंगी तहसीलदार दत्तात्रय निंबाळकर ,नायब तहसीलदार योगिता दराडे, निमखेडा – चाचेर जि प सर्कल मधील शिवसेनेचे जि प चे भावी उमेदवार कृष्णा टिकले, ग्रा पं चाचेर उपसरपंच रवींद्र ठाकरे, सचिव वरुडकर, ग्रा पं खंडाळा, नरसाळा सचिव श्रद्धा सपाटे, सदस्यगण शैलेश कोपरकर, सुरेंद्र टेंभरे , माजी शाळा व्यवस्थापन समिती अध्यक्ष किरण बरबटे, मंडळ अधिकारी काळे , पटवारी अविनाश माटे, सर्व हलक्याचे पटवारी, संबंधित ग्रामपंचायतचे सचिव, आरोग्य विभागाचे सर्व अधिकारी ,पदाधिकारी, सार्वजनिक बांधकाम विभाग, आधार केंद्र, महावितरण, पंचायत विभाग, कृषी विभाग ,पाटबंधारे विभाग इतर सर्वे विभागातील अधिकारी व गावातील नागरिक मोठ्या संख्येने उपस्थित होते.
