नवी दिल्ली :- देशाचे माजी प्रधानमंत्री राजीव गांधी यांची यांच्या स्मृतीदिनानिमित्त निवासी आयुक्त तथा सचिव आर विमला यांनी कोपर्निकस मार्ग येथील महाराष्ट्र सदनात त्यांच्या प्रतिमेला पुष्पाजली अर्पण करुन अभिवादन केले.
राजीव गांधी यांची पुण्यतिथी हा दिवस दहशतवाद व हिसांचार विरोधी दिवस म्हणून ओळखला जातो. या निमित्ताने निवासी आुयक्त तथा सचिव आर विमला यांनी उपस्थित अधिकारी आणि कर्मचाऱ्यांना दहशतवाद व हिसांचार विरोधी दिवसाची शपथ दिली.
या प्रसंगी विशेष आयुक्त श्वेता सिंघल, सहायक निवासी आयुक्त नितीन शेंडे, जनसंपर्क अधिकारी मनिषा पिंगळे, निवासी उपअभियंता जमुनाप्रसाद गंगवार , व्यवस्थापक प्रमोद कोलपत्ते, सहायक लेखा अधिकारी निलेश केदारे , तसेच महाराष्ट्र सदन व परिचय केंद्रातील अधिकारी आणि कर्मचारी उपस्थित होते.
