गणेशभक्तांना ज्या दिवसाची प्रतीक्षा आहे, तो दिवस लवकरच येतोय, तो दिवस म्हणजे गणेश चतुर्थी, कारण याच दिवशी भाविक आपल्या लाडक्या बाप्पााला घरी आणणार आहेत, कोणाकडे दीड दिवस, कोणाकडे सात दिवस, तर कोणाकडे 10 दिवसांसाठी बाप्पा घरोघरी विराजमान होणार आहे, पंचांगानुसार, यंदा गणेशोत्सव 14 सप्टेंबर 2026 रोजी सुरू होणार आहे. विशेषतः महाराष्ट्रात, यंदा बारा दिवस हा सण मोठ्या उत्साहात साजरा केला जाणार आहे. म्हणून, जर तुम्ही या गणेश चतुर्थीला गणपती बाप्पाची मूर्ती घरी आणण्याचा विचार करत असाल, तर या गोष्टी लक्षात ठेवणे आवश्यक आहे. गणपतीची मूर्ती खरेदी करताना या मुद्द्यांचा विचार करणे महत्त्वाचे आहे. जर तुम्हालाही या गणेश चतुर्थीला गणपतीची मूर्ती घरी आणायची असेल, तर आधी या महत्त्वाच्या गोष्टी समजून घ्या.
गणपतीची मूर्ती खरेदी करताना ‘या’ गोष्टी लक्षात ठेवणे आवश्यक…
धार्मिक मान्यतेनुसार, भाद्रपद महिन्याच्या शुक्ल पक्षाच्या चतुर्थी तिथीला गणपतीचा जन्म झाला. गणेश चतुर्थीला भक्त योग्य विधींसह गणपतीची मूर्ती घरी आणतात. घरात गणपतीची मूर्ती ठेवल्याने सुख आणि समृद्धी येते. तसेच, यामुळे नकारात्मक ऊर्जा दूर होते आणि घर सकारात्मक ऊर्जेने भरून जाते.
सोंडेची दिशा – गणपतीची मूर्ती खरेदी करताना, सोंडेकडे लक्ष द्या. ज्योतिषांच्या मते, डावीकडे सोंड असलेली गणपतीची मूर्ती घरासाठी शुभ मानली जाते. अशी मूर्ती घरी आणल्याने घरात समृद्धी, सुख, शांती आणि कल्याण येते. तुम्ही सरळ सोंड असलेली मूर्ती देखील स्थापित करू शकता.
मोदक आणि उंदराची मूर्ती – धार्मिक मान्यतेनुसार, उंदरावर स्वार झालेल्या गणपतीची मूर्ती घरी आणा. त्याच्या हातात मोदकही असावा. असे म्हटले जाते की, गणपतीची अशी मूर्ती घरी आणल्याने व्यवसायात प्रगती होते.
रंगाची निवड – धार्मिक मान्यतेनुसार, शेंदरी किंवा लाल रंगाची गणपतीची मूर्ती घरी आणल्याने प्रगती आणि यश मिळते. याशिवाय, पांढऱ्या रंगाची गणपतीची मूर्ती घरी आणणे देखील अत्यंत शुभ मानले जाते. या रंगाची मूर्ती घरी आणल्याने शांती, ज्ञान आणि आर्थिक समृद्धी येते.
मूर्तीची मुद्रा – धार्मिक मान्यतेनुसार, नेहमीप्रमाणे खाली बसलेल्या अवस्थेतील गणपतीची मूर्ती घरी आणा. बसलेली मुद्रा हे चिरस्थायी सुख आणि समृद्धीचे प्रतीक मानले जाते.
बाप्पाची कोणती मूर्ती टाळावी?
– धार्मिक मान्यतेनुसार, घरात तुटलेली किंवा खराब झालेली मूर्ती स्थापित करू नका.
– ज्या मूर्तीची सोंड उजवीकडे वळलेली आहे, अशी मूर्ती ठेवू नका.
– आकर्षक नक्षीकाम असलेल्या मूर्तींऐवजी पारंपरिक रूपाच्या मूर्ती निवडा.
– नेहमी मातीची मूर्ती घरी आणा (पर्यावरणपूरक).
गणेश चतुर्थीची पूजा, स्थापनेचा शुभ मुहूर्त….
पंचांगानुसार गणेश चतुर्थीची चतुर्थी तिथी 14 सप्टेंबरच्या सकाळी सुरू होते आणि गणेशपूजेसाठी दुपारच्या सुमारास मुहूर्त आहे. गणेश चतुर्थीची पूजा/स्थापना मुहूर्त – पंचांग गणनेनुसार, सकाळी 11:16 ते 1:44 दुपारी असा आहे. भगवान गणेशाचा जन्म मध्यान्ह काळात म्हणजेच दुपारच्या वेळी झाला होता, म्हणूनच गणेश मूर्तीची स्थापना आणि प्राणप्रतिष्ठा पूजा मध्यान्ह काळात करणे अत्यंत फलदायी आणि सर्वोत्तम मानले जाते. या शुभ मुहूर्ताचा एकूण कालावधी 2 तास 28 मिनिटे आहे.